Ahle Hadees ki Qalaa Baaziyaa.

Mohtaram Baraadaraane Islaam ! Maujuda Zamane Ke Ghair Muqallideen Hindustani Ahle Hadees Hazraat Ahlesunnat Wal Jamaat Ahnaaf Se Guftagu Ke Dauraan Jab Kisi Masle Me Phas Jate Hai  Toh Muqtalif Qisim Ke Batein Karke Apni Sharmindagi Aur Gumraahi Ko Chupane Ki Koshish Karne Lagte Hai , Jis Se Un Hazraat Ki Zid Wa Had Dharma Aur Haq Se Unki Nafrat Wa Bezaargi Ka Andaza Hojata Hai.Zail Me Inhazraat Ke Aisi Hi Chand Chaal Baziyaa Aur Unse Kuch Sawaalaat Pesh Kiye Jaa Rahe Hai.

Ghair Muqallid :  : Jab Namaaz Ke Mutaalliq Kisi Masle Par Bahez Mubaheza Me Wo Kisi Sawaal Ka Jawaab Nahi De Sakte Toh Fauran Kehne Lagte Hai:

1 )”Kya Imam Shafi Rh. Galat Hai , Agar Wo Sahi Hai Toh Phir Hum Kyu Galat Hai  , 2) Aur Kabhi Wo Aise Mauqe Par Jaan Chudaane Ke Liye Saaf Kehdete Hai Ke Mai Shaafi Hu”

Muqallid : 1 ) Jab Aap Ahle Hadees Hazraat Yeh Kehte Hai Ke Hum Kisi Imaam Ki Taqleed Nahi Karte Balke Khud Tehqeeq Karke Amal Karte Hai , Toh Ab Imam Shafi Rh. Ka Naam Kyu Le Rahe Ho ? Agar Imam Shafi Rh. Galat Nahi Hosakte Toh Phir Imam Abu Hanifa Rh. Jo Imam Shafi Rh. Ke Ustaad Ke Ustaad , Azeem Tabiee Aur Mushtahid The , Ghair Muqallideen Ahle Hadees Log Un Kyu Galat Kehte Hai ?

2) Kya Aap Imam Shafi Rh. Ko Apna Imam Aur Apne Aap Ko Unka Muqallid Maante Hai ?

Ghair Muqallid :  Ko Jab Kisi Ahle Sunnat Wal Jamat Aalim Ke Paas Chalne Ke Liye Kaha Jata Hai Toh Kehte Hai Ke

I)”Khud Tehqeeq Karo Ulama Ke Paas Jaane Ki Zarurat Nahi”.

Ii)”Kabhi Kehte Hai Ke Ulama Gumrah Kardete Hai”.

Iii)” Kabhi Kehte Hai Hum Bhi Hamare Ulama Ko Bulaate Hai Ya Tum Ko Bhi Hamare Ulama Ke Paas Chalna Hoga ”.

Muqallid : 1) Ha Mai Tehqeeq Ke Baad Hi Keh Raha Hu Ke Chaaro Maslak Barhaq Hai , Quran Wa Hadees Ke Mutaabiq Hai , Albatta Hindustaani Firqe Ahle Hadees Galat Hai.

2) Allah Ke Nabi Sallallahu Alaihi Wasallam Ka Farmaan Hai :Ke Ulama Nabiyo Ke Waaris Hai , Hum Tak Quraan Wa Hadees Ulama Hi Ke Zariye Pahuncha Hai.Tamaam Muhaddiseen Wa Mufassireen Ulama Hi The,  Kya Wo Sab Gumrah The ? Kya Ahle Hadees Maslak Me Koi Aalim Nahi Hai ?

3 )Aap Ahle Hadees Hai , Har Masle Ki Puri Tehqeeq Ke Baad Hi Ahle Hadees Bane Hai Aur Taqleed Wa Hanafiyat Se Tauba Ki Hai , Toh Phir Kisi Aalim Sahaab Ko Bulaane Ki Kya Zarurat ? Agar Aap Ko Bhi Pura Ilm Nahi Toh Phir Ahle Hadees Hone Ka Jhoota Dind-Dhoora Kyu Peet Rahe Ho ??

Ghair Muqallid :  : Hum Bhi Ijma Aur Qiyaas Ko Maante Hai , Unka Inkaar Nahi Karte.

Muqallid : Jamaat E Ahle Hadees Ke Qadeem Ulama Ne Qiyaas Ko Shaitaan Ka Kaam Qaraar Diya Hai(Dekhiye Ghair Muqallid  Aalim Yusuf Jaipuri Ki Kitaab Haqiqatul Fiqa)Toh Aaj Yahi Shaitaani Kaam Karke Aap Iblees Ke Muqallid Kyu Banrahe Hai ? Kya Aap Ke Paas Is Ibleesi Amal Ke Jayez Hone Ki Koi Wahi Aagayi Hai ?

Koi Aayat Ya Sahi , Sarhi , Marfu , Muttasil Hadees Aapke Paas Hai Jisme Ijma Aur Qiyaas Ko Maanne Ka Hukum Diya Gaya Ho ? Agar Aap Ijma Aur Qiyaas Ko Quraan Wa Hadees Ki Roshni Me Maan Rahe Hai Toh Jin Ahle Hadees Ghair Muqallid   Ulama Ne Unka Inkaar Kiya Hai Wo Musalmaan Rahe Ya Nahi ?? Aap Har Aalim Wa Jahil Ke Qiyaas Ko Maante Hai Ya Sirf Apne Maslak Ke Ulama Ke Qiyaas Ko ? Aur Jiske Qiyaas Ko Maante Hai Uske Sahi Hone Ki Aap Ke Paas Kya Daleel Hai ?

Ghair Muqallid :  : 1) Hum Sirf Ek Imam Ko Nahi Balke Har Imam Ko Maante Hai. 2)  Hum Bhi Imam Abu Hanifa Rh.  Ko Maante Hai Lekin Unki Jo Baatein Quran Wa Hadees Ke Khilaaf Hoti Hai Unko Chor Dete Hai.

Muqallid : 1) Aap Tamaam Imamo Ko Maante Hai Toh Ek Hi Waqt Me Sabko Maante Hai Ya Ek Waqt Me Ek Ko Aur Dusre Waqt Me Dusre Ko. Agar Ek Waqt Me Sab Ko Maante Hai Toh Yeh Kaise Hosakta Hai , Kyunke Imamo Me Bahut Saari Cheezo Me Ikhtelaaf Hai ? Aur Agar Ek Waqt Me Ek Imam Aur Dusre Waqt Me Dusre Imam Ko Maante Hai Jinke Paas Sahi Daleel Hoti Hai Toh Yeh Usi Waqt Hosakta Hai Jab Ke Dono Imamo Ke Tamaam Dalail Ka Mukammil Ilm Ho Aur Arabi Zubaan Se Puri Waaqifiyat Ho , Kya Aap Ke Andar Yeh Dono Baatein Hai Aur Itna Waqt Aap Ke Paas Hai ? Agar Nahi Hai Toh Aap Kaise Keh Sakte Hai Ke Yeh Imam Sahi Hai Aur Wo Galat Hai.

2 )Aur Ahnaaf Muqallideen Bhi Toh Yeh Hi Kehte Hai Ke Wo Bhi Imam Abu Hanifa Rh. Ki Sirf Wahi Baat Maante Hai Jo Quran Wa Hadees Ke Mutaabiq Hai Toh Phir Aapko Ahnaaf Se Hatkar Naya Firqa Banana Ki Aur Millat Me Inteshaar Phailaane Ki Kya Zarurat Padi Thi ?

Ghair Muqallid :  : Imam Abu Hanifa Rh. Farmaya Ke Meri Jo Baat Hadees Ke Khilaaf Ho Usko Chordo Isi Waje Se Hum Unki Baat Ko Chor Rahe Hai.

Muqallid :Imam Abu Hanifa Rh. Ne Quran Wa Hadees Ke Muqaabile Me Apni Baat Chorne Ka Saaf Hokum Diya Jo Unke Sach-Che Momin Aur Muttaqi Wa Paraiz Gaar Aalim Hone Ke Alamat Hai Aur Ahnaaf Imam E Azam Rh. Ke Is Hukum Ki Puri Pabandi Kar Rahe Hai.Lekin Aap Hazrat Ahle Hadeeso Par Ta-Ajjub Hai Ke Maslaki Ta-Assub Aur Apne Ulama Ki Taqleed Me Imam Abu Hanifa Rh. Ki Quran Wa Hadees Ke Mutabiq Baato Ko Bhi Chor Dete Hai. Jo Ghair Muqallid   Ki  Imam E Azam Rh. Se Bughaz Wa Adaawat  Aur Fiqh E Hanafi Se Hasad Wa Jalan Ki Alamat Hai.

Ghair Muqallid :  : Ahnaaf Ka Maslak Zaeef Hadeeso Se Sabit Hai Aur Hamara Maslak Sahi Hadeeso Se Sabit Hai.

Muqallid : Apne Maslak Ke Bare Me Aap Jo Chahe Kahe, Lekin Hanafi Maslak Ke Bare Me Aap Ka Yeh Gumaan Saraasar Galat Aur Sartaapa Jhoot Hi Jhoot Hai , Kyunke Muhaddiseen E Ahnaaf Hazaroo Masail Ki Daleel Me Bukhari Wa Muslim Wa Ghaira Ki Sahi Hadeese Pesh Karte Hai , Sirf Tahaarat Wa Namaz Hi Se Mutaaliq Saikro  Masail Me Bukhari Wa Muslim Ke Hawaale Dete Hai (Tafseel Ke Liye Padhe , Alaa Al Sunan , Asaar Al Sunan , Masnun E Namaz , Allah Ki Pasandida Namaaz ) Kya Aap Ke Nazdeek Bukhaari Wa Muslim Ki Hadeese Bhi Zaeef Hai.Dusri Baat Yeh Hai Ke Agar Ahle Hadees Firqe Ki Tehqeeq Ke Mutabiq Ahnaaf Ki Hadeese Zaeef Hai Toh Kya Ahle Hadees Hazraat Koi Nabi Aur Rasool Hai Ya Unki Tehqeeq Koi Wahi E Aasmaani Hai Jinpar Imaan Laana Farz Ho ? Ahnaaf Muhaddiseen-E-Ikraam Rh. Ne Bhi Ahle Hadeeso Ki Bahut Saari Hadeeso Ko Daleel Ke Saat Zaeef Saabit Kiya Hai , Toh Ahle Hadees Hazraat Apne Daawe Ke Mutaabiq Apna Maslak Kyu Nahi  Badalte ?

Ghair Muqallid :  : Fazaail E Amaal Me Man-Ghadrak Kufriya Shirkiya Waqiyaat Aur Behisti Zaiwar Me Intehai Gande Masail Likhe Huve Hai.

Muqallid : Fazaail E Amaal Ke Jaise Kufriya Wa Shirkiya Manghadrak Waqiyaat ,Ibn Kaseer Rh. , Ibn Qayyim Rh. , Ibn Taimiya Rh. , Alama Zehbi Rh. , Wa Ghaira Azeem Muhaddiseen Ki Kitabo Me Bhi Fazail E Amaal Se Zyaada Likhe Huve Hai (Tafseel Ke Liye Dekhe Tas-Hi Ul Khiyaal)Isi Tarah Behisti Zaiwar Se Zyada Ghande Aur Sharamnaak Masail Ahle Hadees Ghair Muqallideen Ulama Nawab Siddiq Hasan Khan , Nawaab Waheed Uz Zamaan , Hakeem Faiz Aalam  , Syed Nazeer Hussain Dehelwi Waqaira Ki Kitabo Badurul Aehla , Nuzulul Abraar , Hadiyatul Mahdi , Fatawa Nazeeriya , Waqaira Me Likhe Huve Hai. Toh  Phir Aap Ke Ulama E Ghair Muqallideen Fazaail E Amaal Aur Behisti Zaiwar Ke Saath In Kitabo Ke Khilaaf Bhi Bayaan Baazi Aur Propaganda Kyu Nahi Karte.Ghair Muqallideen Ko Sirf Ulama E Haq Ahle Sunnat Wal Jamaat Deobandi Se Hasad Aur Jalan Kyun Hai ?

Ghair Muqallid :  : 3 Din , 10 Din , 40 Din Jamaat Me Jaana Kis Hadees Me Saabit Hai ?

Muqallid : Ahle Hadees Firqe Ke Log Bhi Ramzaan Ki Taaq Raato Me , Itwaar Ke Din Aur Muqtalif Dino Me Bayaanaat Karte Aur Jalsa Munaaqid Karte Hai Aur Unke Ulama , Brothers Wa Doctors Idhar Udhar Taqreer Karte Phir Te Hai , Unka Yeh Amal Kis Hadees Se Saabit Hai ?

Ghair Muqallid :  :Taqleed Chouthi Sadi Ki Paida Waar Hai. Usse Pehle Taqleed Ka Wajuud Hi Nahi Tha. Jaise Azeem Hanafi Aalim Shah Wali Ullah Muhaddis E Dehvi Ne Khud Likha Hai.

Muqallid : Aap Yeh Baat Tehqeeq Ke Baad Keh Rahe Hai Ya Sirf Hanafi Aalim Sahaab Ki Taqleed Kar Rahe Hai ? Afsoos Ke Ghair Muqallid Ho Kar Aap Ek Hanafi Aalim Ki Aankh Band Karke Taqleed Kar Rahe Hai. Jab Ke Dar Haqiqat Sahaba Ikraam Rdh. Ke Daur Me Bhi Taqleed Pai Jati Thi Aur Be Shumaar Muhaddiseen Wa Mufaasireen 4 Me Se Kisi Ek Madhab Ki Taqleed Karte The(Tafseel Ke Liye Dekhiye: Al Kalaamul Mufeed Fii Isbaat E Taqleed )

227292_168299423229547_2648648_n

225983_168508329875323_3846392_n 250001_168490306543792_3705394_n 297290_206286739430815_5941799_n

Ghair Muqallid :  : Hanafi Quran Wa Hadees Ko Chor Kar Sirf Imam Abu Hanifa Rh. Ki Baat Maante Hai Isi Waje Se Wo Gumrah Hai.

Muqallid : Imam Abu Hanifa Rh. Ke Wafaat 150 Hijri Me Huvi , Usi Waqt Se Aaj Tak Ummat E Muslimah Ke Aksariyat Fiqh Hanafi Par Amal Karte Aarahi Hai. Ahnaaf Me Hazaaro Muhaddiseen Wa Mufassireen Aulia ALLAH Aur Buzurgaan E Deen Paida Huve Jinki Puri Ummat Izzat Wa Ahteraam Karti Hai.Ahnaaf Ki Tarah Shawafe , Malikiya Aur Hambaliya Me Bhi Har Daur Me Be Shumaar Muhaddiseen Wa Mufassireen , Ulama Wa Aulia Paida Huve Hai.Taariq Gawahi Deti Hai Ke Ahnaaf, Shawafai , Malikiya Aur Hambaliya Ek Dusre Ke Paas Taleem Hasil Karte The.Aapas Me Islaami Muhabbat Wa Bhai Chaargi Ke Saath Rehte The, 1200 Saalo Me  Kisi Shafai, Hambali, Maliki Ne Hanafi Madhab Ko Gumrah Ya Quran Wa Hadees Ke Khilaaf Nahi Kaha, Na Fiqh E Hanafi Ke Khilaaf Kabhi Koi Isteaal-Angheez Kitaab Likhi Aur Na Aaj Likh Rahe Hai.Agar Fiqh E Hanafi Gumraahi Ka Raasta Hai Toh Wo Tamaam Muhaddiseen Wa Ulama Wa Aulia Khamosh Kyun Rahe.Inhone 12 Sadiyo Me Ek Kitaab Bhi Fiqh E Hanafi Ke Khilaaf Kyun Nahi Likhi, Ahnaaf Ko Gumrah Kyun Nahi Kaha , Jaise Ke Aaj Ke Ghair Muqallideen Isi Kaam Ko Apna Din Raat Ka Mehboob Mash Ghala Banaye Huve Hai , Aisa Mehsoos Hota Hai Ke Maslak E Ghair Muqallideen Ki Bunyaad Sirf Fiqh E Hanafi Ki Mukalifat Ke Liye Rakhi Gayi Hai.Kahi Aisa Toh Nahi Ke Dushmaan E Islaam Yahood O Nasaara Musalmaano Ko Aapas Me Ladaa Ne Ke Liye In Ghair Muqallideen Ko Uchka Rahe Hai, Aur Is Haqiqat Par Parda Daalne Ke Liye Amal Bil Hadees Ka Dhong Racha Gaya Hai ?

Ghair Muqallid :  : 1) Hanafi Taqleed Karte Hai Yaani Sirf Imam Abu Hanifa Ko Pakadkar Chalte Hai , Aur Taqleed Karna Shirk Hai  2) Aur Hum Ahle Hadees Sirf Ek Ko Nahi Balke Chaaro Ko Maante Hai.

246409_508944669165019_1042793815_n

Muqallid : Taqleed Ka Yeh Matlab Jo Aap Bata Rahe Hai Hamaari Kis Kitaab Me Likha Huva Hai ? Hamare Nazdeek Toh Taqleed Ka Yeh Matlab Har Ghiz Nahi Hai , Hamare Nazdeek Taqleed Ka Matlab Hai Jo Shaks Quran Wa Hadees Ka Mahir Na Ho Wo Quran Wa Hadees Ke Maahir Aalim Se Pochkar Amal Kare.Agar Yeh Shirk Hai Toh Kya Ghair Muqallideen Ki Tarah Quran Wa Hadees Me Mann Maani Karna Islaam Hai ? Aur Kya Ghair Muqallideen Ahle Hadees Taqleed Nahi Karte Hai ? Maujuda Ahle Hadees Ghair Muqallideen Me Bahut Se Log Likhna Panda Nahi Jaante Aur Arabi Se Na Waqif Hai Toh Woh Log Kis Tarah Amal Karte Hai ? Kya Woh Apne Aalim Par Bharosa Nahi Karlete ?

2 ) Ajeeb Baat Hai Ke Hum Imam Abu Hanifa Rh. Ko Maane Toh Galat Aur Ahle Hadees Ghair Muqallideen  Allah Aur Uske Rasool Ko Chorkar 4 Imamo Ko Mane Toh Sahi ? Kya Ahle Hadees Hazraat  Ke Nazdeek Ek Buth Ko Sajda Karna Shirk Hai Aur 10 Butho Ko Sajda Karna Aain E Islaam Hai.Agar Aap Yeh Kehte Hai Ke Ek Se Ghalti Ho Sakti Hai , Toh Sawaal Yeh Hai Ke Kya 4 Se Ghalti Nahi Ho Sakti ? Agar Aap Yeh Kehte Hai Ke Hum Chaaro Me Jiski Daleel Sahi Hogi Uski Baat Maante Hai , Toh Sawaal Yeh Hai Ke Aap Aur Tamaam Ghair Muqallideen Aisa Sirf Rafe Dain , Imam Ke Peeche Qirat , Zoor Se Aameen Wa Ghaira Me Chand Masail Me Karte Hai Ya Zindagi Aur Dunya Bhar Ke Tamaam Masail Me Aisi Hi Tehqeeq Karte Hai ? Agar Sirf Chand Masail Me Aisa Karte Hai Toh Aap Aur Tamaam Ghair Muqallideen Jhote Ahle Hadees Hai , Aur Agar Har Har Masle Me Mukammal Tehqeeq Karte Hai Toh Dil Par Haat Rakh Kar , Allah Ko Hazir Aur Nazir Jaankar Khud Soch Li Jiye Ke Jhoot Bol Rahe Ho Ya Sach ? Yeh Bhi Yaad Rakh Li Jiye Ke Tamaam Muhaddiseen , Mufassireen , Aulia Allah Aur Ulama E Ikraam Mujtahid (Quran Wa Hadees Ke Maahir Aalim) The Ya Kisi Mujtahid Ke Muqallid , Unme Ek Bhi Anpad Jahil Ghair Muqallid Nahi Tha.

Ghair Muqallid :  :  Haq Ek Hi Hosakta Hai Toh Phir Chaaro Maslak Kaise Sahi Hoge ?

Muqallid : Chaaro Maslako Me Jo Iktelaaf Hai Wo Ahadees Aur Sahaba Rdh. Ke Darmiyaan Iktelaaf Ki Waje Se Hai Aur Agar Aapko Yeh Bhi Malum Na Ho Ke Sahaba Rdh. Me Bhi Iktelaaf Tha Ya Nahi Jaisa Ke Be Shumaar Ghair Muqallideen Itni Moti Baat Se Bhi Bazam E Mohaq-Qiq E Zamaane Ke Bawajuud Na Waqif Hai Toh Isko Malum Karne Ke Liye Trimizi Sharif , Musnaaf Ibn Abi Shaiba ,Musanaaf Abdur Razzaq Wagaira Ka Mutala Karli Jiye Jinme Sahaba Rdh. Ke Beshumaar Ikhtelaafaat Zikr Kiye Gaye Hai.Ab Aap Yeh Bataye Ke Kaun Se Sahab Rdh. Aur Imam Haq Par Aur Jannati Hai Aur Kaunse Sahaba Rdh. Batil Raaste Par Aur Dozaqi Hai ? Agar Sahaba Rdh. Aur Aimma E Ikraam Rh.Batil Parast Aur Dozaqi Nahi Balke Haq Parast Aur Jannati Hai Toh Unki Pairwi Karne Wale Hum Chaaro Imamo Ke Muqallideen Bhi Alhamdulillah Jannati , Haq Parast , Firqa E Naajia Hai.

Fiqh E Hanafi Ki Mashoor Wa Maqbool Kitaab Hidaya Aur Uske Musannif Burhaan Uddin Rh. Ko Azeem Tararin Ulama E Islaam Me Shumaar Karte Huwe Ek Bade Ghair Muqallid  Aalim Maulana Ibrahim Sialkoti Koti Sahaab Likhte Hai : Aap Rh. (Hidaaya Ke Musannif) Uloom E Fiqa , Furo Wa Usool Me Bahut Maahir The Aur Taboot Wa Kamalaat Wa Rohaaniya Me Kaamil.Isk Kitaab(Hidaaya) Ki Qubooliyat Wa Shorat Nihaayat Tak Hai Aur Usse Jo Jo Ilmi Fawaaid Hasil Hote Hai Wo Shumaar Se Bahar Hai.Kitaab Kya Hai Gooya Tafqa E Fin-Deen (Deen Ki Gheri Samaj Bojh) Kya Khazaana Hai Ji Kisi Ko Is Khazaane Ki Chaabi Haat Aayi Wo Daulat E Ilmi Se Malaamaal Hogaya.(Ulama E Islaam : 175)Itne Bade Ghair Muqallid  Ahle Hadees Aalim Ki Is Haqiqat Bayaani Se Aankh Band Karke Baaz Mu-Taasib Shiddat Pasand Afraad Ke Khilaaf Haqiqat Baatein Padhkar Ya Sunkar Aaj Ke Ghair Muqallideen Hazraat Hidaaya Se Bahut Hi Badzan Hai Aur Uske Khilaaf Jhoote Propaganda Me Masroof Hai.

23927_402293776502560_1807786161_n

About these ads

3 thoughts on “Ahle Hadees ki Qalaa Baaziyaa.

  1. Marne par Yaqeen Hum Bhi Rakhte hai aur Marne par Yaqeen Rakhna hi Humne Apne Akaabir se Seekha hai.

    aur Agar Ghair Muqallideen / Ahle Hadees Hazraat Allah se Darne Waale Hote toh Aisa Qala Baazi ke Kaam Bilkul Nahi karte the.

  2. Assalaam alaikum bhai !! Mashallah allah aapki mehnat kabul kare !! Bhai hume aurton ko haath kahan baandhna hai woh daleel zajoor bataye !! Jaise ke seene par hai ,, aur ijma se saabit hai ,, ispe thoda roshni aur tehkkeek ke saath post kare aap ki bahut maherbani hogi !! Aksar ghairmuqqallid iss ki daleel ke peeche pade rehte hain aur kehte hai ki aurton ki seene pe haath bandhne ki koi hadees maujood nahi !! Allah hume bhi aap jaisi mehnat karne ki taufeek de ! Ameen !! Jazakallah !!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s