Fazail E Aamal Ke Aiteraazaat Ke Jawabaat By Hazrat Maulana Ameen Safder Okardwi Rh.

FAZAIL E AAMAL KE AITERAAZAAT KE JAWABAAT

MUNAZIR-E-ISLAM WAKIL-E-AHNAAF TARJUMAN-E-AHLESUNNAT HAZRAT MAULANA MUHAMMAD AMIN SAFDAR OKARVI REHMAHULLAH.

BISMILLAHIR RAHMAANIR RAHEEM

Karachi Ke Safer Me 1 Sahab Se Mulaqaat Huwi Jo Apna Name Mirza Waheed Baig Batarahe The . Wo Asal Me Punjabi Hai Magar Arse Daraazse America Me Muqeem Hain . Unho Ne Apni Sergusht Yu Bayaan Farmayi Ke Mai Yaha Se  F.A Karke America Gaya Tha . 1 Saal Is Haal Me  Guzra Ke Dono Eiday Or Chand Namazain Bhi Pardhi . Aakhiri Eid Ki Namaz Me 2 , 3 Sathiyo Say Mulaqaat Huvi Jo Tablighi Jama’at Se Taalluq Rakhte The . Unho Ne Mera Address Note Kya Phir Mujh Se Musalsil Raabta Rakha

Zindagi Me Tabdeeli

In Hazraat Ki Surat Or Seerat Shariyat-E-Muhammadiya Sallallahu Alaihi Wasaallam Ki Tarjumaan Thi . Unkesaath Outhne Bethne Se Mujhe Bhi Islami Zindagi Ka Aysaas Huva . Maine Tablighi Jama’at Ke Saath Waqt Lagana Shuru Kardiya . Mujhe 1 Ajeeb Zehni Sukoon Or Qalbi Rahat Mehsoos Huvi Or Alhumdulillah Me Namaz Rozay Ka Paband Bangaya . Halaal O Haraam Ka Imtiyaaz Karne Laga . Apne Waqt Or Maal Se  Kuch Hissa Deen Sikhne Or Iski Tableegh Karne Ke Liye Waqf Kardiya . Biwi Bacho , Dost Aehbaab , Sub Par Mehnat Ki Or 1 Pur-Sukoon Mahool Bangaya Or Meri Zindagi Ke Pure 4 Saal [America Me] Isi Tarah Guzre . Maine Or Meri Biwi Ne Guzishta Zindagi Ki Chuti Huvi Namazo Ko Qaza Kiya . Huqooqullah Or Huqooqulbaad Me Jo Kotahiyaa Huvi Thi Shar’i Masaeel Puchker Unki Adaigi Or Allah Ta’ala Ki Baargaah Me Nadaamat Or Taub’ah Ka Shugal Ikhtiyaar Kiya . Fazail E Aamaal ,Talim Ul Islam Or Beheshti Zever Khareedkar Rozana Unki Taleem Karne Or Amal Me Izafe Ki Puri Koshish Karte Rahte.

Ek Aur Tajruba

4 Saal Ke Baad 1 Eid Ke Mauqe Per Hi 2 , 3 Naujawaano Ne Mujhe Aagaihra . Badi Garam Joshi Se Mulaqaat Huvi . Unhone Mere Deeni Jazbaat Or Koshisho Ki Tareef Ki . Agarche Un Naujawaano Ke Chehre Par Na Sharayi Dardhi Thi Na Unka Libaas Sharayi Andaaz Ka Tha , Lekin Wo Deen Se Lagao Aur Muhabbat Ka Zikar Is Josh Se Karte The Ke Mai Unka Gurwidaa’h Hogaya .Unke Saath Uthna Baithna Hogaya . Isi Niyat Se Ke Unke Jazbe Ki Qader Karke Unko Sharayi Surat O Seerat Or Sharayi Libaas Or Aehkaam Per Asaani Se Aamadaa’h Kiya Jasakta Hai . Mai Unke Haa Gaya . Unke Paas Islami Kitabo Ki 1 Library Thi . Unho Ne Mujh Se Kaha Ke Ap Logo Ka Deen India Se Aaya Hai Or Hamara Makka’h Madine Se Or Ye Kehte Huve 1 Kitaab Salat Ur Rasool ,Musannif Maulana Muhammad Sadiq Sialkoti , Mujhe Di Ke Agar Makkay Madina’h Ka Deen Manna Hai To Ye Kitaab Padho . Maine Yeh Kehte Huve Kitaab Leli Ke Ye Kitab To Sialkoti Ki Hai Na Ke Makka’h Madina’h Ki . Unho Ne Kaha Ke Agarche Sialkot Me Likhi Gayi Mager Batain Makka’h O Madina’h Ki Hai.

Pehla Farq

Mai Ne Kaha Ke Hazrat Shaikh-Ul-Hadees Rahmahullah Ne Bhi Fazil E Aamaal Me Aayaat E Quraniya , Ahadees E Nabaviya Sallallahu Alaihi Wasallam Aur Naik Logo Ke Waqiyaat Hi Zikar Farmaye Hai . Bahut Ajeeb Kitaab Hai , Meri Zindagi Me Yeh Tabdeeli Isi Kitaab Ki Marhooh Minnat Hai Ke Mai Be-Namazi Tha Namazi Bangaya , Jhot Bolta Tha Is Say Tauba’h Ki . Halaal Haraam Ka Khayaal Nahi Karta Tha Ab Puri Koshish Karke Haraam Se Bachta Ho . Meri Surat O Seerat Me Jo Islami Rang Hai Ye Isi Kitaab Ki Barkat Hai , Unho Ne Faurun Meri Baat Kaante Huve Kaha Ke Ap Pardhe Likhe Aadmi Hai , Shaikh Ul Hadees Sahaab Ne Bahot Si Batain Bila-Hawala’h Naqal Kardi Hai . Unho Ne Mujhe Kai Maqaamat Dikhaye Jaha Koi Hawaala Na Tha Or Phir [Kitaab] Salatur Rasool Dikha Dikha Kar Kehrahe The Dekho Har Baat Ba-Hawala’h Hai , Deen Hamesha Ba-Hawala’h Or Mustanad Hona Chahiye Na Ke Be-Hawala’h Or Ghair-Mustanad . Isbaat Me Mai Unke Saamne Bilkul La-Jawaab Hogaya Or Waqai Mujhay Bohot Bada Dhakka Laga Aur Huva Ke Hazrat Shaikh-Ul-Hadees Rahmahullah Ne Baaz Jagah Hawaale Kyu Nahi Diye ,Janaab Waheed Sahaab Ne Yeh Farq Batlaate Huve Mujhe[Muhammad-Amin-Safdar] Se Kaha Ke Aap Mujhe Iska Jawaab De.

Maine Kaha Iska Jawab Hazrat Shaikh-Ul-Hadees Khud De Chukay Hain Farmatay Hain ” Is Jagah 1 Zarori Umoor Per Mutanabbey Karna Bhi La’abdi Hai , Wo Ye Ke Maine Ahadees Ka Hawaala Dene Me Mishkaat , Tanqeeh-Ur-Riwayaa’th , Ahya-Ul-Uloom Ki Shara’h Or Minziri Ki Targeeb-O-Tarheeb Per Aaitemaad Kiya Hai Or Kasrat Se Unse Liya Hai .Isliye Unkw Hawaale Ki Zarurat Nahi Samjhi . Albatta Unke Alawa Kahi Say Liya Hai To Uska Hawaala Naqal Kardiya ” [Fazail-E-Quran Pg 7].

Usne Is Eibarat Ko 3 Dafa Padha Or Kehne Laga Ke Hazrat Ne Waqai Baat Wazeh Farmadi Hai .Lekin Maine Bhi [Fazail-E-Aamaal Ka ] Pura Mutallaa’h Nahi Kiya Tha . Phir Mai [Muhammad-Amin-Safdar] Ne Kaha Ke “Salat-Ur-Rasool” Me Bhi Kayi Batain Bila Hawala’h Durj Hain , Page 449 To 454 Me Jo Azkaar Or Aamaal Darj Kiye Hain Wo Sub Bila-Hawala’h Hain . Chunacha Molvi Abdul Rauf Ghermuqallid Salat-Ur-Rasool Kala’a Ke Hashiye’h Per Aayat-E-Kareema’h Ke Amal Ka Yu Maazaaq Udhata Hai : Kya Aisa Behter Nahi Ke Is Wazeefe Aayat-E-Kareema’h Karne Walo Ko 1 Machli [Fish] Numa Sanduq Me Band Karke Kisi Dariya Ya Samandar Me Phek Diya Jaye Taake Hazrat Younus Alahis Salaam Ke Machli Ke Pait Ke Andhere Ka Na Sirf Naqsha Hi Khench Jaye Balke Hazrat Younus Alahis Salaam Wali Sahi Kaifiyat Paida Hojaye . Is Tareeqaay’h Par Amal Karne Se 41 Din Intezaar Ki Zarorat Nahi , Balke Chand Hi Ghanto Me Be-Fazle Ta’ala Her Qisam Ke Hamoom O Ghamoom Ke Badal Chatjaye Ge . Kisi Tarah Ki Bhi Mushkil O Musibat Baaqi Na Rahe Gi Balke Sub Pareshaaniyo Or Musibato Se Nijaat E Abdii Hasil Hogi . “Innalillahi Wa Inna Ilahir Rajiuoon” Mujhe Nihaayat Taajjub Bhi Hai Or Afsoos Bhi Hai Ke Is Qisam Ki La-Yaani Cheze Ya Khurafaat Hum Salfeen  Me  Kidher Se Ghus Aayi ? Billahi Alaikum . Kya Isqisam Ki Batain Allah Taa’la Ki Zaat-E-Aqdas Se Istehzaa’a Ke Mutaraadif Nahi ? Yeh Tareeqe Kis Aayat-E-Qurani Or Kis Hadees-E-Nabawi Se Maakhooz Hain ?[Salat-Ur-Rasool Mehshii Pg 504].

Galat Hawaale

Wo Shakhs To Ye Be-Hawala Batain Or In Per Tabsara’h Pardh Kar Hi Hairaan Horaha Tha Ke Maine Ne Bataya Ke Salat-Ur-Rasool Me To Bohot Se Hawalay Bhi Galat Hain . Dekhiye Salat-Ur-Rasool Page 136 Per Zair-Aunwaan”Namaz-Ke-La-Misaal-Mahaasin” Fazail Ki 24 Ahadees Naqel Ki Hain Or Hawala Sahi Sitta’h Ka Diya Hai , Mager In Me Se 14 Ahadees 1 , 5 , 6 , 7 , 8, 10 , 11 , 12 , 13 , 14 , 15 , 16 , 17 , 20 Ka Nishaan Tak Sahi Sitta’h Me Nahi Hai . Isi Tarah Molvi Abdul Rauf Sahab Hi Likhte Hain : Baaz Aisi Ahadees Bhi Hain Ke Mousuf Ne Inhe Jin Kutub Ki Taraf Mansoob Kiya Hai In Kutub Me Wo Nahi Payi Jaati .Example 278 , 283 , 311 , 343 , 358 , 509 , 571 , 620 , 639 ,665 , 667 , 677 [Salat-Ur-Rasool Mehshih Pg 14] Yeh 12 Ahadees Bhi Aisi Hai Jinke Hawale Galat Hai . Misaal Ke Taur Per Yeh 26 Hawale Galat Diye Hain ,Warna Aey Khana Me Aftaab E Asast Mai Ne Kaha Is Choti Si Kitab Me Galat Hawalo Ki Itni Bhermaar . Ab To Mirza Waheed Baig Bhi Dariyaa-E-Hairat Me Gurq The Or Baar Baar Kehrahe The Ke Ya-Allah !! Tere Saada Dil Bande Kidhar Jayege ?

Zaeef Ahadees

Janab Waheed Sahab Ne Kaha Ke Phir Inho Ne Mujhse Bataya Ke Aksar Batain To Sheikh-Ul-Hadees Sahab Rehmahullah Ne Bila-Hawala Likhii Or Jin Ka Hawala Diya In Me Se Bhi Aksar Zaeef , Jhoti Or Man-Gardht Ahadees Likh Di . Lekin Salat-Ur-Rasool Me Say 1 Bhi Zaeef Hadees Nahi Hai . Waheed Sahab Ne Bataya Ke Inka Ye Aitraaz To Waqai Bahut Wazni Tha Jis Se Mai Fazail-E-Aamaal Se Dil-Bardaashta Hogaya .Is Par Maine[Muhammad-Amin-Safdar] Waheed Sahaab Se Kaha Unka Yeh Aitraaz Muhaddiseen Ke Musallimaa’h Usool Ke Khilaaf Hai . Kyun Ke Muhaddiseen Ka Usool Hai Ke Fazail Or Targeeb-O-Tarheeb Me Zaeef Ahadees Maqbool Hain . Khud Hazrat Sheikh-Ul-Hadees Ne Is Usool Ko Bayan Farmaya . Chuncha Fazail-E-Namaz Ke Aakhir Me Aakhri Guzarish Ke Tehat Farmate Hai ” Akheer Me Is Amar Per Tanbeeh Zaroori Hai Ke Hazraat-E-Muhaddiseen Ke Nazdeek Fazail Ki Riwayat Me Tawsi Or Mamuli Sanaf E Qaabil-E-Tasaami , Baaqi Sufiyaa-E-Kiraam Rehmahumullah Ke Waqiyaat To Tareekhi Hasiyat Rakhte Hi Hain Or Zahir Hai Ke Tareekh Ka Darja’h Hadees Ke Darje Se Kahi Kum Hai[Fazail-E-Namaz Pg 96] Ek Jagah Farmate Hain “Agar Che Muhaddisana Hasiyat Se Inper Kalaam Hai Lekin Ye Koi Faqahi Maslaa’h Nahi Jis Me Daleel Or Hujjat Ki Zarurat Ho . Mubashiraat Or Manamaat Hain ” [Fazail-E-Durood]

Maine Kaha Ke Yeh Toh Hazrat Shaik Ne Likha Mai Iski Thordi Si Tafseel Arz Kardeta Hoon . Jis Tarah Saare Hisaab Ka Khulaasa 2 Hi Qaide Hain Jama’a Or Tafreeq [Plus & Minus] . Hadees Ki Sanad Ke Rawiyo Me Bhi Bunyaadi Taur Per 2 Hi Batain Dekhi Jaati Hain : Hifz Or Adaalat , Ke Iska Hafiza’h Acha Ho Or Wo Nekokaar Ho , Faasiq-O-Faajir Na Ho . Agar Raawi May Zauf Hifz Ki Waja Se Hai To Isko Muhaddiseen Zauf-E-Qareeb Kehte Hain . Kyun Ek Mutabiyat Ya Shawaahid Se Khatam Hojata Hai . Quran-Paak Me Allah Taa’la Ne 2 Aurtoon Ki Gawahi Ko 1 Mard Ki Gawahi Ke Barabar Qaraar Diya Hai . Waja Ye Batayi Hai Ke Agar 1 Aurat Bhool Jayegi To Dusri Yaad Dila Degi . Isi Se Muhaddiseen Ne Ye Usool Bana Liya Ke Ager 1 Hadees Ke 2 Sanadain Ho Or Dono Me 1 Raavi Aisa Ho Ke Jiska Haafze Kamzoor Ho To Dono Sanade Milker Wo Hadees Sahi Maani Jayegi .Isiliye Hazrat Sheikh-Ul-Hadees Rehmahullah Bahut Jaga’h Yeh Tehreer Farmadete Hai Ke Ye Mazmoon Bohot Si Riwaayaat Me Aaya Hai  Taake Maloom Hojaye Ke Shawahid Or Mutabiyaat Ki Waja Se Maqbool Hai . Ab In Riwayaat Ko Rad Karna Goya Qurani Ausool Ka Inkaar Karna Hai . To Yeh Aitraaz Hazrat Rehmahullah Ki Bajaye Quran Per Karna Chahiye Or Agar Raawi Aadil Na Ho To Isko Zouf-E-Shadeed Kehte Hain . Isliye Aehkaam Me Is Ki Riwayaat Hujjat Nahi Hoti . Mager Fazail Or Tareekh Me Siraay Se Adaalat Hi Shert Nahi .

Rasool-E-Aqdas Sallallahu Alaihi Wasallum Farmatay Hain

حدثوا عن بنی اسرائیلولاحرج

[Bukhari Jild 1 Page 491 , Tirmizi Jild 2 Page 107] Mafhoom Bani-Israel Se Riwayat Karo Koi Herj Nahi . Aap Soche Ke Ab Targeeb-O-Tarheeb Ke Waqiyaat Kafiroo Tak Se Riwaayat Karne Ki Ijazat Hai To Yeh Ger Aadil Raawi Kya In Yahood Se Bhi Bu’dtar Hain ? Hergiz Nahi Bilqusoos Jabke Kai Tariqo Se Marvi Ho . Iske Bayaan Me Koi Herj Nahi . Haan Aehkaam Me Aise Raviyoo Ki Riwaayat Hujjat Nahi . Pus Maloom Huwa Ke Hazrat Sheikh-Ul-Hadees Rehmahullah Ne Jo Riwayaat Li Hain Wo Quran Paak , Ahadees Nabawiyaa’h Or Muhaddiseen Ke Ausoloon Ke Aain Mutaabiq Li Hai . Or Sab Muhaddiseen Ne Fazail Me Yahi  Tareeqa Ikhtiyaar Farmaya Hai . Imam Nawawi Rehmahullah Muqadmaa’h Shara’h Muslim Jild 1 Page 21 , Sheikh Ibne Taimiyaa’h Fatawaa’h Jild 18 Page 65 , 68 Par Tasreeh Farmate Hain Ke Fazail Me Zuaaf Maqbool Hain.

Dusra Rukh

Phir Maine Ne Kaha Aap Hairaan Hoge Yeh Sunkar Ke Salat-Ur-Rasool Me Na Sirf Fazail Me Balke Aehkaam Me Bhi Zaeef Ahadees Bharti Kardi Gayi Hai . Molvi Abdul Rauf Ne Number Waar 84 Ahadees Ki Nishaan-Dahi Ki Hai Jo Intehaayi Zaeef Ahadees Hai 006 , 013 , 014 , 016 , 022, 034 , 052 , 053 , 056 , 066 , 073 , 085 , 088 , 107 , 109 , 110 , 153 , 159 ,160 , 163 , 164 , 165 , 166 , 167 , 168 , 169 , 172 , 173 , 204 , 205 , 206 ,209 , 214 , 224 , 226 , 231 , 233 , 234 , 236 , 239 , 241 , 248 , 249 , 265 ,266 , 278 , 363 , 383 , 414 , 415 , 419 , 444 , 448 , 459 , 461 , 470 , 471 ,472 , 473 , 485 , 541 , 544 , 545 , 551 , 557 , 565 , 578 , 584 , 586 , 626 ,630 , 654 , 660 , 664 , 665 , 666 , 673 , 679 , 683 , 694 , 695 , 699 , 703 .Yeh Tamam Ahadees Intehai Zaeef Hain. Isi Ko Kehtay Hai :

دیگراںرا نصیحت خود میاںفصیحت

Jab Maine Yeh Tafseel Sunai Toh Janab Waheed Sahab Bahot Pareshaan Huve aur Sat Pataye Ki Laahi Ye Maajra Kya Hai ? ” Haathi Ke Daant Khaane Ke Or Dikhanay Ke Aur”

Shirk Hi Shirk

Phir Mujhe Unhone Batlaaya Ke Ye Tableegi Nisaab To Sara Shirk Se Bhara Huwa Hai . Fazail-E-Sadqaat , Fazail-E-Durood Or Fazail-E-Hajj Me Aise Waqiyaat Hain Jo Waqiyatan Shirk Ki Taleem Dete Hain . Kuch Din To Mai Pareshaan Raha Ke Ye Kitab Sari Duniya Me Phail Chuki Hai , Hazaaro Nahi Lakho Insano Ki Zindagiyo Me Isne Inqelaab Paida Kardiya Hai , Saikro Ulam’a Ne Bhi Ise Dekha Hai Mager Kisi Mufti , Muhaddis Or Faqi Nazar Yaha Tak Nahi Gayi Jaha Tak In Clerko Ki Pahuch Gayi Hai .

Magar In Waqiyaat Ki Koi Taaweel Mujhe Bhi Samajh Na Aati Thi .

Aakhir Na Sirf Yeh Ke Maine Tableeghi Jama’at Ko Chordiya Balke Unka Sakht Mukhaalif Hogaya , Kyun Ke Mera Ilm Ke Mutabiq Yeh Log Shirk Ke Muballigh The Or Inki Namaze Bhi Galat Dargalat The .

Ab Mere Nazdeek Namaz , Roze , Hajj Or Jihaad  Se  Balki Sabse Badi Naiki Tableeghi Jama’at Ki Mukhalifat Thi . Ghar Me , Bazaar Me , Dafter Me , Majaalis Me , Masaajid Me , Mera Yahi Jihaad Hai Ke Ye Tableeghi Jama’at Tauheed Ki Nahi Shirk Ki Daayi Hai Or Islam Ki Nahi Hanafiyat Ka Perchaar Karti Hai . Agarche Ab Mujh Me Jama’at Or Takbeer-E-Aula’aa Ki Pabandi Ka Koi Zauq Nahi , Halaal Haraam Ki Bhi Ziyaada Tafsheesh Baqi Nahi Rahi Magar Tauheed-O-Sunnat Ka Nasha Hai Jiske Baad Har Gunaah Ma’af Hojata Hai , Apni Namaz Ka Wo Ahtemaam Baqi Nahi Raha Magar Dusroo Ko Mushrik Or Be-Namaaz Kehne Ka Zauq Bahot Bardh Gaya Hai .

Apni Islaaah Ki Bhi Khaas Fikar Nahi Rahi , Kyun Ke In Subse Muqaddam Is Saari Duniya Ko Shirk Se Bachaana Hai Jinko Fazail-E-Aamaal Ke Mutalle Ne Mushrik Banadiya Hai . Agarche Duniya Me Mujhe Isme Khaas Kamyaabi Nahi Huwe Kyun Ke 2 Saal Ki Mehnat Shaaqq’ah Se Mai Ba-Mushkil 2 Clercko Ko Tableeghi Jama’at Se Kaat Saka Ho , Jabke Hazaaro Naye Aadmi Is Jama’at Se Jurdgaye Hain , Lekin Aakhirat Me Allah Ta’ala Se Pure Pure Ajar Ka Umeed Waar Hoon.

Karaamaat

Maine Kaha Ke Jin Waqiyaat Ki Taraf Ap Ishara Farmate Hain Wo Karamaat Hain , Inko Kharq-E-Aadat Bhi Kehte Hai . Yaani Aadat Yeh Hai Ke Mard Aurat Dono Ke Milaap Se Aulaad Paida Ho , Magar Kharq-E-Aadat Ye Hai Ke Hazrat Bibi Mariyam Ko Bagair Mis-E-Basher Ke Beta Mil Jaye . Aadat Yeh Hai Ke Aoontni Aoontni Se Paida Ho Or Kharq-E-Aadat Yeh Hai Ke Aoontni Pahaardh Se Paida Ho . Aadat Yahi Hai Ke Saanp Sanpni Ke Ande Se Nikle Or Kharq-E-Aadat Yeh Hai Ke Hazrat Musa A.S Ki Laathi Saanp Banjaye .

Aadat Yahi Hai Ke Operation Ya Dawa Say Jhali Door Hojaye Or Nabeena Dekhne Lage Or Kharq-E-Aadat Yeh Hai Ke Hazrat Yousuf A.S Ki Qameez Or Isa A.S Ka Haath Lagne Se Beenayi Ajaye . Aadat Yahi Hai K Bail Baillo Ki Tarah Aawaaz Nikaale Or Bhaidhiyaa Bhaidhiyo Ki Tarah , Magar Kharq-E-Aadat Yeh  Hai Ke Bail Or Bhaidhiya Insanoo Ki Tarah Kalaam Kare . In May Jo Baate Aadat Hai In Me Kuch Insan Ka Bhi Ikhtiyaar Hota Hai Lekin Kharq-E-Aadat Me Ikhtiyaar Allah Taa’la Ka Hota Hai Or Zahoor [[ Yani Zaahir ]] Makhlooq Ke  Haat Par Hota Hai .

Dekhiye Quraan Paak Me Maseeh Ibn-E-Mariyam A.S Ke Moujizaat Mazkoor Hai . Hum Musalmaan Bhi In Moujizaat Ko Berhaqq Mante Hai Or Yeh Aqeeda’h Rakhte Hai  Ke Yeh  Moujizaat Hazrat Isa A.S Ke Hath Per Zaahir Huwe Magar Yeh  Sub Qudrat Khuda-Wandi Ka Zahoor Tha . Jab Hum Musalmaan In Ko Qudrat-Ilaahi Ka Zahoor Maante Hai To Inko Har Har Moujizaa’h Daleel-E-Tauheed Nazar Aati Hai .

Lekin Isaai In Moujizaat Ko Hazrat Isa A.S Ki Aadat Or Inke Ikhtiyaar Se Maante Hai . To Unho Ne 1 , 1 Moujizaa’h Ko Daleel-E-Shirk Banaliya . Ab In Moujizaat Se Shirk Kasheed Karlena Isme Na Toh Allah Taa’la Ka Qusoor Tha Na Hazrat Isa A.S Ka , Qusoor To Isai Zehniyat Ka Tha Jisne Tauheed Ko Shirk Bana Dala . Bilkul Isi Tarah Hum Ahle Sunnat Wal Jama’at Jub Karamaat Ka Mutaalla’h Karte Hain To Inko Allah Taa’la Ke  Ilm O Qudrat Ka Karishma Yaqeen Karte Hai .Isi Liye Hume In Karamaat Me Tauheed Hi Tauheed Nazar Aati Hai Or Jab Aap Ghair Muqallid Log Jab Tableeghi Nisaab Ka Mutaalla’h Isaai Zaihan Se Karte Hai To Aap Ko Wo Karamaat Shirk Hi Shirk Nazar Aati Hai . To Qusoor Na Allahtaa’la Ka Hai Ke Is Ne In Buzurgo Ki Izzat Afzaayi Ke Liye Apni Qudrat Numaayi  Kyu Ki ? Or Na Hi In Buzurgo Ka . Qusoor To Saara Is Isaai Zaihniyat Ka Hai . Agar Aap Bhi Is Isaayi Zehniyat Se Tauba’h Karke Islaami Zaihan Se Mutaalla’h Kare  To Apko Tauheed Hi Tauheed Nazer Aayegi .

Ye Ho Hi Nahi Sakta

Ab Waheed Sahab Bade Gusse Me The Ke In Waqiyaat Me To Aisi Aisi Baate Hai Jo Ho Hi Nahi Sakti , Bilkul Na Mumkinhain . Maine Pucha Kis Se Nahi Hosakti , Khaaliq Se Ya Makhlooq Se ? Agar Makhlooq Se Nahi Hosakti To Bilkul Durust , Magar Inko Makhlooq Ka Fa-Al Qaraar Dena Hi To Isaayi Zaihniyat Hai . Or Agar Kaho Ke Khaaliq Se Bhi Nahi Hosakti To Yeh Allah Taa’la Ke Ilm O Qudrat Ka Inkar Hai .Agar Ap Iske Munkir Hai ? Or Khaaliq Ki Qu’wat Utni Hi Maante Hai Jitni Aapki Ke Jo Apse Na Hosake Wo Khuda Se Bhi Nahi Hosakta To Apni Tauheed Ki Khair Manaaiye Or Tau’bah Ki Kijiye . Allah Walo Ki Karamaat Ka Inkaar Nahi . Yeh To Allah Taa’la Ki Qudrat Ka Inkaar Hai.

Jhoot Hi Jhoot

Is Par Waheed Sahaab Ne Kaha Log Apne Buzrugo Ke Liye Galat Or Jhoote Waqiyaat Gardh Lete Hai To Inka Kya Aaitbaar? Maine Kaha Jhoot Kaha Nahi Gardha Gaya ? Logone Jhoote Khuda Banaye , Jhoote Nabi Banaye , Jhooti Hadeese Banaayi , Jaali Currency Banaayi To Kya Sirf Jhoote Khudao Ka Hi Inkaar Karoge Ya Saath Hi Sache Ka Bhi Inkaar Karoge ? Sirf Jhoote Nabiyo Ka Hi Inkaar Karoge Ya Sacho Ka Bhi Inkaar Karoge ? Sirf Jhooti Hadeeso Ka Inkaar Karoge Ya Sachi Ahadees Ko Bhi Chordoge ? Sirf Jaali Currency Se Bachoge Ya Asli Currency Ko Bhi Gali Me Phaink Doge ? Yaha Bhi Jhoote Waqiyaat  Maanne Ki Apko Kisne Daa’wat Di Hai ? Or Sache Waqiyaat Se Inkaar Kyu ?

Aqal Nahi Manti

Waheed Sahab Ne Kaha Aise Waqiyaat Ko Kaise Maanliya Jaye ? In Me Aisi Baato Ka Zikar Hai Jo Ambiya’a Alahis Salaam Or Sahaba Ikraam Rdh. Ke Liye Bhi Zahir Nahi Huwe . Nabi Alahissalaam Or Sahaba Kiraam Rdh. Ka Maqaam To Wali Se Bahut Buland Hai . Ye Bilkul Na Mumkin Hai Ke 1 Kharq-E-Aaadat Nabi Alahis Salaam Or Sahaba Ikraam Rdh. Ke Hath Par To Zahir Na Ho Or Kisi Wali Ke Hath Per Zahir Hojaye . Maine Kaha Ajeeb Baat Hai Jaha Qiyaas Jayez Ho Waha To Ap Isko Shirk Kehte Hai Or Kharq-E-Aadaat Me Qiyaas Shuro Kardiya Hai . Mai Apse Puchta Hu Ke Apko Khuwaab Nazar Aate Hai Ya Nahi ? Usne Kaha Aate Hai . Maine Kaha Bilkul Wahi Jo Ambiyaa’a Alahis Salaam Or Sahaba Ikraam Rdh.Ko Aaye Ya Or Bhi ? Usne Kaha Yaha Ambiyaa’a Alahis Salaam Or Sahaba Ikraam Rdh. Ka Kya Zikar ? Allah Taa’la Jisko Jo Khuwaab Chahe Dikha-De .Maine Kaha Ba’az Auqaat 1 Chote Bache Ko Khuwaab Nazar Aata Hai Or Subah Batata Hai Ke Aaj Khuwaab Me Maine Dekha Ke Nana Abu Aaye Hai , Or Wo Waqiyatan Bhi Aajaate Hai Or Khuwaab Sacha Hojata Hai .Magar Is Khuwaab Ka Koi Ye Keh Kar  Inkar Nahi Karta Ke Ghar Ke Badho Ko Yeh  Khuwaab Nahi Aaya To Hum Kaise Maanle Ke Bache Ko Khuwaab Aagaya ? Dekho Hazrat Bibi Mariyam Waliya’h Hain ,Inko Be Mousam Phal Mil Rahe Hai . Magar Hazrat Zakariya A.S Jo Nabi Hai Unko Nahi Mil Rahe . Sayyeda Aayisha Siddiqa’h Razi Allahu Anha Ko Khawind Ke Hote Huwe Larki Bhi Nahi Di Or Hazrat Bibi Mariyam Ko Bagair Khawind Ke Larka Allah Ne Ataa Farmadiya . Hazrat Yaqoob Alahis Salaam Ke Haath Mubarak Rozana Apne Mu Per Phairte Hai Magar Benaayi Waapis Nahi Aayi . Hazrat Yusuf Alahis Salaam Ki Sirf Qameez Lagne Se Benaayi Wapis Aagayi . Jo Hawa Hazrat Suleman Alahis Salaam Ka Takht Uthaye Phirti Thi ,Is Hawa Ko Yeh Hukum Nahi Mila Ke Safer E Hijrat Me Ap Sallallahu Alaihi Wasallam Ko 1 Lamhe Me Madina’h Pahu Chaade . Hazrat Sulaiman Alahis Salaam Nabi Hain ,Lekin Takht E Bilqees Ka Aana Inkay Sahabi [ Jo Jinnaat Me Se Hai ] Ki Karaamat Hai . To Bhai Yeh Allah Taa’la Ka Ikhtiyaar Hai . Wo Chahe To Chand Meel Se Sayyedna Usman E Ghani Rdh. Ki Shahadat Ki Galat Khabar Aayi Or Aap Alahis Salaam Bai’at Lena Shuru Farmadiya . Wo Na Chahe To Ka’anaan Ke Kuwe Me Hazrat Yousuf Alahis Salaam Ka Hazrat Yaqoob Alahissalaam Ko Pata Na Chale Or Jab Chahe To Misar Se Yousuf Alahissalaam Ke Kurtay Ki Khushboo Ka’anaan Me Soongha De . Maine Kaha Aap Jo Saari Duniya Ko Mushrik Keh Rahe Hai Is Par Nazar Saani Kare Or Tauba’h Kare .

Hanafiyo Ki Namaz

Ab Unhone Kaha Ap Jo Namaz Padhtw Hai Iska Koi Saboot Nahi Hai . Mehaz Andhi Taqleed Hai . Kya Yeh Namaz Qabool Hogi ? Maine Kaha Aap Imaandaari Se Bataye Ke Apko Takbeer E Taihrima’h Se Lekar Salaam Tak Namaz Ke Har Har Qaul Or Har Har Fa-Al Ki Daleel Tafseeli Yaad Hai . Agar Hai To Zara Sunaade . Usne Kaha 2 , 3 Masail Ke Alawaa Mujhe Kisi Masle Ki Daleel Yaad Nahi . Maine Kaha To Aap Ke Iqraar Se Aapki Namaz 97% Taqleedi Hai . Wo Kaise Qabool Hogi ? Ab Wo Pareshaan Sa Huwa . Kehne Laga Wo Kehte Hai Ke Hum Sirf Quran O Hadees Ko Maante Hain Or Hanfiyo Se Hadees Ka Mutalibaa’h Karte Hai Or Lakhoon Rupiye Inaam Rakhte Hai Magar Koi Hanfi Jawab Nahi Deta . Maine Kaha Mai Bhi 2 Hadeese Aap Se Puchta Ho . Ap Hi Mera Mutalibaa’h Pura Farmaade Or Crore Rupiye Fi Hadees Inaam Lejaye.

Ek Hadees Aisi Laye Ke Imam Ke Piche Muqtadi Ko 113 Surte Pardhni Haraam Hai , Sirf 1 Sureh Fatiha Pardhna Farz Hai . Iske Bagair Muqatadi Ki Namaz Nahi Hoti Or Is Hadees Ko Allah Ya Rasool Sallallahualahi Wasallam Ne Sahi Farmaya Ho , Kyuke Allah Or Rasool Sallallahu Alahiwasallam Ke Siwa Kisi Ki Baat Hujjat Nahi .

4 Raka’at Namaz Me 8 Sajde Hote Hai . Ap Na Sajdo Me Jaate Waqt Rafa Yadain Karte Hai Or Na Uthte Waqt . Goya 16 Jaga’h Rafayadain Nahi Kartay Or Dusri Or Chouthi Raka’at Ke Shur’o Me Bhi Rafa Yadain Nahi Karte To Kul 18 Jaga’h Rafa Yadain Nahi Karte Or 4 Raka’at Me 4 Ruko’u Hote Hai . Ap Ruko’u Jaate Or Uthte Waqt Rafa Yadain Hai To Ye 8 Rafa Yadain Huwe , Or Pehli Or Teesri Raka’at Ke Shuru Me Rafa Yadain Karte Hai To Yeh Kul 10 Jaga Rafa Yadain Huwe . Ap 1 Or Sirf 1 Aisi Hadees Pesh Farmaye Ke Aanhazrat Sallallahu Alaihi Wasallam 18 Jaga Rafa Yadain Nahi Karte The Or 10 Jaga Karte The Or Yeh Aap Sallallahu Alaihi Wasallam Ka Hamesha Ka Amal Tha . Jo Is Tarah Namaz Na Padhe Iski Namaz Nahi Hoti Or Is Hadees Ko Allah Ya Rasoo Sallallahu Alahi Wasallam Ne Sahi Farmaya Ho . Hum Apko Inaam Bhi Denge Or Ahlehadees Bhi Hojaye Ge.

Sirf 1 Ghair Jaanibdaar Arbi Professor Yeh Tasdeeq Karde Ke Waqai Dono Hadeeso Me Matlooba 5 , 5 Baate Paayi Gayi Hai. Waheed Sahab Ne Kaha Ke Mujhe To Aisi Hadeese Maloom Nahi . Mai Apne Ulama Se Inka Mutaalba Karoonga . Agar Mai Le Aaya To Apko Ahlehadees Hona Padhega Or Agar Na Laasaka To Mai Ahle Sunnat Wal Jama’at Hanfi Banjaaoga . Maine Kaha Bilkul Durust Hai,. Wo Chalagaya .

Dusri Majlis

3 Din Baad Waheed Sahaab Aaye Or Kaha Maine 3 Din Aaraam Nahi Kiya . 1 Molvi Sahaab Ke Paas Pahucha Or Unse Kaha Ke Sirf 2 Matlooba Hadeese Likh Do ? Lekin Kisi Ne Haami Nahi Bhari , Balke Naraaz Huwe Ke Aise Sawalaat Hamare Paas Aa Yinda Na Laana , Yeh Sawalaat Mehaz Sharaarat Ke Liye Hai . Waheed Sahab Kehte Hain Maine Inse Kaha Ke Agar Aise Sawaal Aap Kare To Isko Aap Amal Bil Hadees Kehte Hai Or Wo Log Apse Hadees Puchle To Isko Aap Sharaarat Kehte Hai . Waheed Sahab Ne Kaha Ke Waade Ke Mutabiq To Mujhe Ab Ahle Sunnat Wal Jama’at Hanfi Ban Jana Chahiye Magar Mere Abhi Or Bhi Ishkalaat Hai

Surah Fatiha Farz Hai

Waheed Sahaab Ne Kaha Ke Surah Fatiha Farz Hai Or Muqtadi Agar Surah Fatiha Na Pardhe To Iski Namaz Nahi Hoti . Maine Kaha 2 Aayate Ya Hadeese Mujhe Likhwade , Mai Apka Bahut Shukar Guzaar Hoga . Ek To Yeh Ke Muqtadi Par Sura’h Fatiha Farz Hai Or Dusri Hadees Yeh Likhwaye Ke Namaz Me Kul Faraiz Kitne Hai ?

Apke Tamaam Ulama Milkar Ye 2 Hadeese Nahi Dikha Sakte ? Maine Kaha Waheed Sahab!! Ahle Sunnat Wal Jama’at Ka Deen Kaamil Hai . Inki Fiqa Me Faraiz Ki Puri Tafseel Hai . Ghairmuqallideen Ka Deen Naaqis Hai . Yeh Baichaare Kisi Hadees Se Mukammal Faraiz Nahi Dikha Sakte . Usne Kaha Ye Kya Baat ? Agar Na Dikha Sake To Mai Wo Naqis Deen Chordunga . Maine Kaha Ab Tak Aap Jo Namaz Pardhte Aarahe Hai Aapko Faraiz Tak Maloom Nahi Che-Jaike Iske Dalail , Toh Aap Yeh Namaz Kin Ki Andhi Taqleed Me Padh Rahe Hai . Taqleed To Aap Ke Haa Shirk Hai . To Aap Namaz Padh Kar Aap Namazi Bante Hai Ya Mushrik ?

Rafa Yadain Sunnat Hai

Unhone Kaha Ke 18 Jaga’h Rafa Yadainna Karna Sunnat Hai Or 10 Jaga’h Hamesha Rafa Yadain Karna Sunnat Hai Or Hanfiyoo Ki Namaz Bilkul Khilaaf E Sunnat Hai . Maine Kaha Me Chahta Hoon Ke Kaamil Ahlehadees Bano Na Ke Apki Tarah Naaqis . Isliye Yaha Bhi Aap 2 Ahadees Mujhe Dikhaye ? Ek Wo Hadees Jis Me Sarahat Ho Ke 18 Jaga’h Tark Rafa Yadain Sunnat Hai Or

1 Jagah Rafa Yadain Karna Sunnat Hai , Or Dusri Wo Hadees Dikhaye Ke 4 Raka’at Namaz Me Kul Kitni Aqwaal Or Afa’aal Sunnat Hain , Take Pata Chale Ke Apka Deen Kaamil Hai Ya Naaqis ? Isne Kaha Mujhay To Aisi Hadees Yaad Nahi . Maine Kaha Badi Hairat Hai Ke Saari Duniya Ke Musalmaano Ko Ap Mushrik Or Be Namaz Kehte Nahi Thakte Or Apni Namaz Se Itne Gaafil Hai Ke Na Namaz Ke Faraiz Ki Hadees Yaad Hai Aur Hi Namaz Ki Sunnato Ki Hadees Yaad Hai . Qiyaamat Ko Hisaab Puri Namaz Ka Hoga Ya Sirf 1 Farz Or Sunnat Ka ? Aap Apne Aap Par Rahem Kare Or Dusro Ko Be Namazi Kehne Ke Bajaye Apni Mukammal Namaz Hadees Se Saabit Kare ?

Namaz Nahi Hoti

Waheed Sahab Ne Kaha Ke Puri Ummat Ka Ittefaaq Hai Ke Jo Shakhs Imam Ke Pechay Fatiha’h Na Pardhe Uski Namaz Nahi Hoti . Maine Kaha Ke Aap Puri Ummat Shayad Kisi Ghair Zimedaar Ghairmuqallid Ko Samajhte Hai . Waheed Sahab !! Apko Shayad Maloom Nahi Ke Apke Ulama Ne Is Masle Me Hathiyaar Daal Diya Hai . Suniye !! Imam Ahmed Rahmahullah Ne Farmaya Ke Hum Ne Ahle Islam Me Se Kisi Se Nahi Suna Jo Yeh Kehta Ho Ke Jab Imam Jehar Se Qira’at Karta Ho Or Muqtadi Iske Peche Qira’at Na Kare To Iski Namaz Faasid Hogi . Farmaya Ke Yeh Aanhazrat Sallallahualaihi Wasallam Hai Or Yeh Aap Ke Sahaba Ikraam Razi Allahu Unhum Or Taba’yeen Rahmahullah Hai Or Yeh Imam Ma’lik Rahmahullah Hai Ahle Hijaaz Mai , Yeh Imam Sufiyaan Suri Rahmahullah Hai Ahle Iraq Me Or Yeh Imam Aauzai Rahmahullah Hai Ahle Shaam Me , Or Yeh Imam Lees Rahmahullah Hai Ahle Mis’er Me , In Me Se Koi Bhi Yeh Nahi Kehta Ke Jab Koi Shakhs Namaz Padhe Or Iska Imam Qira’at Kare Or Muqtadi Qiraat Na Kare To Iski Namaz Baatil Hai [Mugni Ibne Qudamah Jild 01 Page 602] Maloom Hogaya Ke Puray Khair Ul Quroon Me 1 Musalmaan Bhi Benamaaz Kehne Me Apka Hum Nawa Nahi Hai.

Mazeed Padhiye !

Imam Bukhari Rahmahullah Se Lekar Door Qareeb Ke Muhaqqiqeen Ulama E Ahlehadith Tak Kisi Ki Tasneef Me Ye Da’waa Nahi Kya Gaya Ke Imam Ke Peeche Fatiha Na Pardhne Wale Ki Namaz Baatil Hai . Isliye Agar Aaj Baaz Hazraat Ne Jo Qadam Uthaya Hai Use Pesh Qudmi Nahi Kaha Jasakta Phir Jama’at Ke Naam’war Or Zimedaar Hazraat Me Bhi Inka Shumaar Nahi Hota.

[Tozeh Ul Kalaam Jild 01 ,Page 43]

Mazeed Suniye !

Irshad Ul Haq Asri Likhte Hai : “Fatiha Na Pardhne Wale Par Takfeer Ka Fatwa Ya Iska Be-Namaz Hone Ka Fatwa Imam Shafi Rahmahullah Se Lekar Mau’allif [Khair Ul Kalaam] Tak Zimedaar Muhaqqiq Aalim Ne Nahi Diya ” [Tohez Ul Kalaam Jild 01 , Page99]

Neez Likhte Hai ” Imam Bukhari Rahmahullah Se Lekar Tamaam Muhaqqiqeen Ulama’e Ahlehadith Me Se Kisi Ne Ye Nahi Kaha Ke Jo Fatiha Na Pardhe Wo Be-Namaz Hai , Kaafir Hai .

[Tohez Ul Kalaam Jild 01 , Page 517]

Neez Aur Jagah Tehreer Karte Hai : ” Hamara To Maslak Hai Ke Fatiha Khalf Al Imam Ka Masla Furoyi Ikhtelaafi Hone Ki Bina Per Ijtehaadi Hai . Bas Jo Shakhs Hatal Imkaan Tehqeeq Kare Or Yeh Samjhe Ke Fatiha Farz Nahi Quwa Namaz Jehri Ho Ya Siri , Apni Tehqeeq Par Amal Karle To Iski Namaz Baa’til Nahi Hoti .

[Khair Ul Kalaam Az Hafiz Gondlawi Page 33 Wa Tozhe Ul Kalaam Az Irshad ul haq Asri Jild 01 , Page 45]

Jab Maine Yeh Tehrire Khud Ahle Hadees Ulama Ki Nikaal Kar Dikhayi Ab Waheed Sahab Baar Baar In Urdu Eibaraat Ko Pardhte The Or Kehte The Ke Yeh Ahlehadith Mazhab Bhi Ajeeb Hai . Taqriro Me Raat Din Hume Kehte Hai Ke Yeh Hanfi Be-Namaz Hai Mager Tehriro Me Aise Sub Logo Ko Ghairmuhaqqiq Or Ghairzimmedaar Qaraar De Rahe Hai . Is Se To Yeh Baat Samajh Me Aarahi Hai Ke In Logo [Ghair Muqallido] Ka Koi Thoos Maslak Nahi .Mehaz Ahle Sunnat Wal Jamaat Se Zid Hai . Apne Ghar Bait Kar Khoob Zid Ko Zaahir Kiya . Inko [Hanfiyo] Ko Be-Namaz Or Mushrik Tak Kaha . Jahaan Ahlesunnat Hanfiyo Se Aamna Samna Huwa Hathiyaar Daal Diye Or Apna Saare Firqe Ko Ghair-Muhaqqiq Or Ghair-Zimmedaar Qaraar De Diya . Goya Yeh Firqa Girguit Ki Tarah Rang Badalta Rehta Hai .

Khuda Jhoot Se Bachaye

Wahees Sahab Ne Kaha Ke Zid Or Jhoot Toh Hanfiyo Me Bhi Paya Jata Hai . Dekho Pehle Hanfi Zid Nahi Karte The ,Lekin Aaj Kal Ke Hanfi To Na Quran O Hadees Ko Maante Hain Or Na Fiqa Hanfi Ko .

Dekhiye Hidayaa Me Likha Hai

Pagdi Par Masah Jayez Hai Jild 01 Page 10. Aanhazrat Sallallahu Alahi Wasallum Ka Amal Fajar Ki Namaz Ke Silsile Me Dawaam E Ghals Ka Tha.Jild 01 Page 271.Azaan Me Tarji Saabit Hai. Jild 01 Page 292 . Hazrat Mirza Mazhar Jaan Jaanah Hamesha Seene Par Haath Baante The , Jild 01 Page 391.Ek Raat Witr Par Musalmaano Ka Ijma Ho Chuka Hai , Hidaya Jild 01 Page 529.

Ibn Himaam Ne Kaha Ke Ruku Ke Baad Dua E Qunoot Padne Ki Hades Sahi Hai ,Jild 01 Page 530.

Lekin Aaj Kal Ke Hanfi Mehaz Ahlehadith Ghairmuqallido Se Zid Me In Hidayaa Ke Masail Par Amal Nahi Karte ? Maine Kaha Ke Aap Ne Hidayaa Ke Hawalo Me Ba-Qaidaa Jild Num Or Safa Bhi Bataya Hai Wo Sab Hawale Bilkul Jhoote Hai .Hidaya Me To Unke Khilaaf Likha Hai.

  لایجوزالمسح علی العمامة

Pagdi Par Masah Jayez Nahi Jild 1 Safa 40.

یستحب الاسفار بالفجر لقوله علیه السلام اسفر وابالفجرفانه اعظم للاجر

Mustahab Hai Ke Namaz Roshni Me Padhi Jaye . Isliye Ke Rasool E Aqdas Sallallahu Alaihi Wasallam Ne Farmaya  Khoob Rooshan Karke Namaz Pardho , Is Me Ziyada Ajar Hai , Jild 01 Page 66.

لاترجیع فی المشاھیر

Ahadees Mash-Hoora Me Tarji Nahi Hai , Jild 01 Page 210.

Sahaab Hidaya Ka Wisaal San 590 Hijri Me Huva Jabke Mirza Mazhar Jaan Jaana 1111 Hijri Me Faut Hogaye Toh 600 Saal Pehle Ki Kitaab Me Unka Seene Par Haat Baadhna Kaise Likha Gaya ?

Jab Ke Aap Log Toh Karamaat Ko Bhi Shirk Maante Hai.

Hidaya Me To Hai

حکی الحسن اجماع المسلمین علی الثاث : امام حسن بصری رحمه الله

Imam Basri Rh. Ne Sab Musalmaano Ka Ijma Naqal Kiya Hai Ke Witr Teen Hai

Shaik Ibn Himaam Ne 861 Hijri Me Wisaal Farmaya Jab Ke Sahaab Hidaya 590 Hijri Me Wisaal Farma Chuke The , Toh  Apni Paidaish Se 300 Saal Qabal Hi Hidaya Me Ruku Ke Baad Qunoot Padhne Ka Masla Kaise Likhgaye ? Aakhir Ap Log Aqal Ke Pechey Kyu Lat Liye Phir Te Hai ? Waheed Sahab Ne  Kaha Ye Hawale Hamare Moulvi Muhammed Yusuf Jaipuri Ne Haqiqat Ul Fiqa Me Likhe Hai. . Agar Yeh Masail Me Asal Arbi Hidaya Se Na Dikha Saka To Phir Ahlehadith Ke Mazhab Ke Jhoote Hone Me Mujhe Zara Bhar Shak Nahi Raha Ge . Maine  Kaha Jaise Pehle Aap Ki Khuwaish Ke Mutabiq Hum Ne 2 Ahadees Maangi , Wo Ap Na La-Saake , Namaz Ke Mukammal Faraiz  Or Mukammal Sunnate Ahadees Se Na Dikhasake, Ab Fiqa Par Ek Hi Saans Me 6 Jhoot Boldiye Hai Yeh Bhi Aap Harghiz Na Dikha Sakege.Aap Batlaye Ke Zid Aur Jhoot Hanafiyo Ki Aadat Hai Ya Aap Ka Odna Bichona Hai ?

Zid Hi Zid

Maine Kaha Is Mulk Me Ahle Sunnat Wal Jama’at Hanfi Hi Islam Laye , Quran Laye , Sunnat Laye , Fiqa Laye Or Lakhoon Ko Musalmaan Kiya , Lekin Jab Yeh Firqa [[ Ghair Muqallid Naam Nihaad Ahlehadith ]] Paida Huwa To Isne Zid Ko Apna Roz Murra’h Ka Maa’mool Banaliya .

Chand Masail Batoor E Namoona Mai Aapko Dikhata Hu.

1.Hanafi Kehte Hai Mani Napaak Hai . Inhone Zid Me Kehdiya Mani Bilkul Paak Hai.

[Arful Jaadi Page 10 ] , [ Kanzul Haqaiq Page 12 ] , [ Nazlul Abrar Jild 01 Page 49 ] , [ Badur Ul Aehlaa’h Page 15 ]

2.Hanafi Kehte Hai Ke Thode Pani Masalan Ek Lote Me Thodisi Bhi Najasat Gir Jaye Agarche Is Pani Ka Rang Ya Bu Ya Maza Na Badlay Tobhi Napaak Hai . Magar Hakeem Sadiq Sialkoti Ne Saaf Kaha Ke Jab Tak Najaasat Waja Se Teeno Wasaf Rang , Bou , Maza Na Badle Us Waqt Tak Pani Napaak Nahi Hota. [ Salat Ur Rasool Page 53 ].

3.Hanafi Kehte Hai Ke Khamar‏ [شراب] ‏Najas Ul Aain Hai Misal Peshaab Ke , Magar Zid Ka Khuda Bura Kare , Wahid Uz Zama Ne Saaf Likh Diya Ke Paak Hai.

[ Nazl Ul Aabrar Jild 01 Page 49]

4 ,5, 6.Hanfi Murdaar , Khinzeer , Or Khoon Ko Na-Paak Kehte Hai ,Inho Ne Mehaz Zid Me In Ko Paak Kehdiya. [ Badu Rul Aehla’h , Arful Jaadi Page 10 ]

Maloom Huwa Ke Unke Haa Mani , Khinzeer , Murdaar , Khoon Se Pura Jisam Or Kapdhe Lut-Put Ho To Bhi Inka Jism Or Kapdhe Paak Hai. Waheed Sahab !! Kya Hi Khoob Ho Ke 1 Din Yeh Pura Naqsha’h Banaker Aap Namaz Padhe . Chalo Zindagi Ki 1 Hi Namaz Amal Bil Hadith Par Hojaye , Kya Khayaal Hai ?

7.Hanafi Kehte Hai Ke Istanjaa Karte Waqt Na Qibla Ki Taraf Mu Kare Na Pusht , Lekin Inhone  Zid Me Keh Diya

ولا یکر الاستقبال والاستدبار للاستنجاء

Yani Istanjaa Karte Waqt Qible Ki Taraf Mu Karna Ya Pusht Karna Mukru Nahi .[ Nazlul Abrar Jild 01 Page 53 ]

8.Ahnaaf Kehte Hai Ke Be-Wazu Aadmi Ko Quran Ko Hath Na Lagana Chahiye , Mager Inhone Saaf Kehdiya Ke

محدث رامس مصحف جائزباشد

Yaani Be-Wazu Shakhs Ka Quran Ko Chuna Jayez Hai . Zid Ka Toh Yeh Haal Hai.[ Arful Jaadi Page 15 ]

Hazrat Maulana Mufti Rasheed Ahmed Sahab Ludhyanwi Likhte Hai : ” Ek Aur Ajooba Samaat Farmaye . Aabaadi Ke Andar Bol-Wa-Braaz Ki Halat Me Qibla Ki Taraf Rukh Karne Ka Jawaaz Mukhtalif Fii Hai . Isliye Aaitiyaat Barhaal Is Me Hai Ke Is Se Aaitraaz Kiya Jaye . Magar [ Nafsparast Firqa Jadeed Naam Nihaad ] Ahlehadees Ke Haan To Dusre Mazaahib Ki Mukhalifat Hi Bara Jihaad Hai . Chunaan Che Karachi Me Inho Ne Apni Masjid Ke Istan’ja Khane Giraakar Az-Sare-Nau Qibla Rukh Par Taameer Karaye Hai .Waje Puchne Par Irshaad Huwa Ke Ye Sunnat 1400 Saal Se Murda  Thi ,Humne Is Ko Zinda Kiya Hai .[ Ahsan Ul Fatawa’h Jild 03 Page 109 ]

Hadees Ke Khilaaf

Waheed Sahab Kehne Lage Ke Agar Ahlehadees Ne Hanfiyo Se Zid Ki Hai To Hanfi Hadees E Rasool Se Zid Karte Hai . Dekho Rasool E Aqdas Sallallahu Alaihi Wasallam Ne Farmaya Ke Kutte Bartan Me Muh Daalde Toh Us Bartan Ko 7 Dafa Dhodo Lekin ”Bahasti Zaiver” Me Hai Ke 7 Saat Dafa Nahi 3 Teen Dafa Dhodo

Dekho Makkah Wala Deen Kufa Me Aakar Kis Tarah Badal Gaya . Is Zid Ka Koi Thikaana Hai Ke Nabi E Karim Sallallahu Alaihi Wasallam Kuch Kahe , Imam Kuch .

Maine Kaha Waheed Sahab !! Hazrat Ataa Rahmatullahi Alai Makke Ke Mufti Hai Jinho Ne 200 Sahaba Ikraam Razi Allahu Unhum Ki Ziyarat Ki. Wo Hazrat Abu Hurairah Razi Allahu Unhu Se Riwayat Karte Hai Ke An Hazrat Sallallahu Alaihi Wasallam Ne Farmaya

” Jab Kutta Tum Me Se Kisi Ke Bartan Me Mou Daalde To Ise Chahiye Ke Pani Bahaade Or Bartan Ko 3 Baar Dhole ”

Al Kaamil Laa’bin Adi.

Phir Hazrat Ataa Rahmahullah Khud Hazrat Abu Hurairah Se Bhi Yaani Fatwa Naqal Farmate Hain Ke 3 Martaba Dhoya Jaye.

Daar E Qitni Jild 1 Page 66.

Phir Khud Hazrat Ataa Rahmahullah Yahi Farmate Hai Ke Maine Is Bareme 7 Dafaa Dhoona Bhi Suna Hai.  5 Dafaa Bhi Or 3 Dafaa Bhi.

Abdul Razzaq Jild 1 Page 97.

Waheed Sahab !! Afsoos Ke Aapne “Behesti Zaiver” Ke Bare Me Galat Bayaani Farmayi Hai Ke Is Me 7 Dafaa Dhoone Se Manaa Kiya Gaya Hai. Hazrat Thanvi Rahmahullah Ne Bahut Aaitiyaat Farmayi Hai  Farmate Hai ” Kutte Ka Jhota Najishay , Agar Kisi Bartan Me Mou Daalde To 3 Martaba Dhhoone Se Paak Ho Jayega , Chahe Mitti Ka Bartan Ho Chahe Taab-Be Wagera’h Ka , Dhoone Se Sub Paak Hojata Hai , Lekin Behtar Yeh Hai Ke 7 Martaba Dhoye Or 1 Martaba Mitti Lagakar Maanj Bhi Daale Ke Khoob Saaf Hojaye ”

Beheshti Zaiver Hissa Awwal 1 , Jaanwaro Ke Jhoote Ka Bayaan Masla 2.

Waheed Sahab !! Farmaye Ke Ye Kis Hadees Ke Khilaaf Hai ? Ab Zara Nawab Siddique Hasan Khan Ki Bhi Sunlijiye . Farmate Hain : Kutte Ke Mou Daalne Waali Hadees Pure Kutte , Iske Khoon , Baal Or Paseene Ke Napaak Hone Per Dalaalat Nahi Karti.

Badur Ul Aehla’h Page 16.

Or Nawab Waheed Uz Zama Farmate Hai “Logo Ne Kutte , Khinzeer Or Inke Jhoote Ke Mutalliq Ikhtilaaf Kiya Hai . Ziyada Raahaj Yeh Hai Ke Inka Jhoota Paak Hai. Aise Hi Logo Ne Kutte Ke Peshaab , Paikhana Ke Mutalliq Ikhtilaaf Kya Hai . Haq Baat Yeh Hai Ke Inka Napaak Hone Par Koi Daleel Nahi .

Nuzul Abrar Jild 1 Page 50.

Waheed Sahab!! Aap Ne Dekha Ghair Muqallido Ko Kutte Se Kitna Piyaar Hai ? Iska Khoon Bhi Paak , Peshaab Bhi Paak , Pakhana Bhi Paak ,Lu-Aab Or Jhoota Bhi Paak .

Ek Tazaad

Waheed Sahab Ne Kaha Ke Hikayaat E Sahaba Razi Allahu Unhum Me Shiakh Ul Hadees Sahab Ne Ye Mutazaad Baat Likh Di Hai :

Page 37 Par Likhte Hai Ke Hazrat Hanzala Razi Allahu Unhu Farmate Hai Ke Jab Hum Biwi Bach-Cho Me Mashgool Hote Hai To Wo Haalat Baqi Nahi Rehti Jo Huzoor Sallallahu Alaihi Wasallam Ki Paas Sohbat Me Hoti Hai . Isliye Mujhe Nifaaq Ka Dar Hai Or

Page 79 Par Likhte Hai Ke Hazrat Hanzala Razi Allahu Unhu Ki Nayi Shadi Huwi Thi , Wo Bila Gusel Maidaan E Jihaad Me Tashreef Legaye Or Shaheed Hogaye . To Malaika [Farishto] Ne Inhe Gusal Diya , To Inke Bach-Che The Kaha Jin Me Mashgho Liyat Se Inhe Nifaaq Ka Khouf Hota ? Aisi Mutazaad Baato Ki Waja Se Hi Padhe Likhe Log Hi Is Kitaab Se Mutanaffir Hote Jarahe Hai . Maine Kaha Alhumdulillah!! Padhi Likhi Duniya Is Kitaab Ki Barkaat Se Deen Ki Dildada Banrahi Hai . Haa Anpadh Or Ziddi Ka Ilaaj Kisi Ke Paas Nahi . Jis Waqiye Me Hazrat Hanzala Razi Allahu Unhu Ne Nifaaq Ka Dar Zaahir Kiya Hai Wo Hazrat Hanzala Bin Al Rabiye Katib E Rasool Sallallahu Alaihi Wasallam Hai. Or Jin Hazrat Hanzalah Razi Allahu Unhu Ko Farishto Ne Gusal Diya Wo Hazrat Hanzala Razi Allahu Unhu Bin Maalik Razi Allahu Unhu Hai . Ye Tafseel Bahawalaa

Mirqaat Hashiya Mishkaat Jild 6 Page 197 Par Hai.

Jab Waheed Sahab Ko Yeh Dikhaya Gaya To Wo Bohot Pareshaan Huwa Or Tauba Tauba Karraha The Ke Hum To Is Aaiteraaz Ko Bahot Uchaalte Hai Or Kitne Logo Ko Hum Ne Pareshaan Kiya . Ye To Ab Pata Chala Ke Ye Hamari Kam Ilmi Thi . Allah Hume Mua’af Farmaye . Aameen

Khoon Peena

Waheed Sahab Ne Kaha Ke Khoon Ka Haraam Hona Quran Paak Ki Qata’yi Nas Se Saabit Hai . Lekin Hazrat Sheikh Ul Hadees Sahaab Rahmahullah Ne 2 Sahaba Ikraam Radhi Allahu Unhum Ke Khoon Peene Ka Waqiya’h Zikar Kiya Or Huzoor Nabi Kareem Sallallahu Alaihi Wasallam Ko Bhi Ilm Huwa Or Aap Sallallahu Alaihi Wasallam Ne In Per Koi Naraazgi Na Farmayi . Balke Farmaya Ke Jis Ke Khoon Me Mera Khoon Mila Isko Jahunnum Ki Aag Nahi Chusakti . Kya Allah Ta’ala Ke Nabi Quran Ki Mukhalifat Karsakte Hai ?

Maine Kaha Ke In 2 Me 1 Waqiya’h To Hazrat Abu Saeed Khudri Razi Allahu Anhu Ke Waalid E Mohtaram Hazrat Maalik Razi Allahu Unhu Bin Snaan Ka Hai . Iska Zikar Hafiz Ibne Hijr Rahmahullah Ne [Al’asaba’h Jild 3 Page 346] Or Ibne Abdul Bar Ne [Al Isteaab Jild 3 Page 370] Par Zikar Kiya Hai . To Kya Aap In Dono Huffaaz Ko Bhi Hazrat Shaik Ul Hadees Rahmahullah Ke Saath Aaitraaz Me Shaamil Karege Ya Nahi ?

Dusra Yeh Ke Hazrat Maalik Bin Sunaan Radhi Allahu Unhu Gazwe Uhud Me Hi Aakhir Me Shaheed Hogaye.

[ Al Iste-Aab Jild 3 Page 370]

Dekhiye Gazwe Uhud Me Shaheed Hone Walo Me Wo Bhi The Jinhoon Ne Sharaab Pi Thi . Kyun Ke Abhi Sharaab Ki Hurmat Ka Aailaan Nahi Huva Tha . To Kya Aap Sabit Karsakte Hai Ke Gazwe Uhud Se Pehle Khoon Yani Dam E Masfooh Ki Hurmat Naazil Hochuki Thi ? Imam Qartabi Rahmahullah Apni Tafseer[ Jild 2 Page 216 ] Par Farmaate Hai Ke Dam E Masfooh Wali Aayat Hujjat Ul Widaa’a Ke Din Arfa’a Me Naazil Huwi . To Jab Tak Aap Kisi Daleel Qatayi Se Yeh Sabit Na Kare Ke Uhud Se Pehle Yeh Hurmat Naazil Ho Chuki Thi Apka Aetraaz Hi Baatil Hai .

Haan Nabi Aqdas Sallallahu Alaihi Wasallam Or Sahaba Ikraam Razi Allahu Unhum Ke Sath Husne Zan Rakhna Wajibaat Me Se Hai . Isliye Kisi Sahabi Ke Sharaab Peene Ka Zikar Pardh Kar Hum Fouran Yaqeen Karlege Ke Ye Hurmat Se Pehle Ka Waqiya Hai . Aise Hi Kisi Sahabi Ke Khoon Peene Or Is Par Huzoor E Aqdas Sallallahu Alaihi Wasallam Ke Na Daantne Se Yaqeeqan Yahi Samjha Jayega Ke Yeh Hurmat Se Qabal Ka Waqiya Hai Or Hazrat Abdullah Bin Zubair Razi Allahu Unhu Huzoor Sallallahu Alahi Wasallam Ke Wisaal Ke Waqt 9 Saal Ke The . Inka Waqiya’h Bhi Hafiz Ibne Hijr Rahmahullah Ne Al Asaaba Jild 2 Page 310 Par Naqal Kiya Hai . To Kya Is Aaitraaz Me Haafiz Ibne Hijr Ko Bhi Shareek Kiya Jayega Ya Nahi ? Inho Ne Bachpan Me Yeh Harkat Ki . To Agar Hurmat Se Pehle Ki Baat Hai To Aaitraaz Hi Nahi Or Baad Me Ki To Is Jumleh Me Daant Maujood Hai Jis Ke Badan Me Mera Khoon Jaye Ga Isko Aag Nahi Chusakti . Magar Tere Liye Bhi Logoon Se Halakat Hai Or Logoon Ko Tujh Se .

Waheed Sahab!! Is Qisim Ke Aaiteraaz Kisi Ilmi Bunyaad Par Nahi Mehaz Zid Par Mabni Hai . Dekho Hanfi Kehte Hai Ke Imam Napaak Ho , Gusal Kiye Bagair Namay Padhade Ya Begair Wazu Ke Namaz Padhade To Muqtadiyoon Ki Namaz Nahi Hoti . Lekin Allama Waheed Uz Zama Zid Me Aakar Ye Likh Gaye Ke Imam Janabat Ya Be-Wazu Hone Ki Haalat Me Namaz Padhaye To Muqtadiyo Ko Namaz Lautane Ki Zaroorat Nahi.[ Nazul Abrar Jild 1 Page 101 ]

Ahle Sunnat Kehte Hai Ke Kaafir Ke Peeche Musalmaan Ki Namaz Nahi Hoti , Magar Waheed Uz Zama Sahab Kehte Hai Ke Hojati Hai.[ Nazlul Abrar Jild 1 Page 101 ].

Fuzlaat  

Waheed Sahab Ne Kaha Ke Hazrat Shaikh Ul Hadees Rahmahullah Ne To Tehreer Kiya Hai Ke Huzoor Sallallahu Alahi Wasallam Ke Fuzlaat Peshaab , Pakhana Wagaira Sub Paak Hai . Maine Kaha Fuzla Ka Maani Bacha Huwa Phok Hai . Meda Khana Ko Nigalta Hai , Is Me Asal Quwwat E Jigar Khainch Leta Hai Or Phok Pakhana Bankar Nikal Jata Hai , Yeh Meda Ka Fuzla Hai . Phir Jigar Khoon Tayyar Karke Dil Ko Deta Hai Or Jo Phok Reh Jata Hai Wo Peshaab Banker Kharij Hojata Hai , Yeh Jigar Ka Fuzla Hai . Phir Wo Khoon Ek , Ek Rug Ko Steam Muhayiya Karta Hai , Is Khoon Se Jo Fuzla Bachta Hai Wo Masamaat Me Paseene Ki Shakal Me Kharij Hota Hai . Phir Jo Khoon Juz O Badan Or Gosht Bangaya Iska Phok Maiil Kucheal Ki Shakal Me Masamaat Ke Zariye Nikalta Hai . Lekin Yeh To Saraahatan Sabit Hai Ke Awwam Ke Maiil Kucheal Par Makhkhi Baithi Hai Magar Aanhazrat Sallallahu Alahi Wasallam Ke Jasad E At’har Par Makhkhi Nahi Baithi Thi Aur Yeh Bhi Muttafiq Alahi Haqiqat Hai Ke Awaam Ka Paseena’h Badbudaar Hota Hai Magar Aan’hazrat Sallallahu Alahi Wasallam Ka Paseene Mubarak Duniya Ki Aala Tarein Khusbuwo Ko Sharmata Tha .

Aap Sallallahu Alahi Wasallam Ki Neend Ko Bhi Neend Hi Kaha Jata Tha Magar Aap Sallallahu Alaihi Wasallam Ki Wo Neend Hamari Hazaar Baidaariyo Se Aala O Arfa Thi . Aap Sallallahu Alaihi Wasallam Ka Khuwaab Bhi Wahi Hota Tha‏ ‏. Aap Sallallahu Alahi Wasallum Ki Neen Mubarak Se Wazu Nahi Tutta Tha . To Jaise Aap Sallallahu Alaihi Wasallam Ka Paseene Mubarak Paseene Hi Kehlata Hai Magar Yeh Kis Ne Kaha Ke Aap Sallallahu Alaihi Wasallam Ka Paseene Mubarak Ko Aam Insano Jaisa Samjha Jaye ????

Wo Aap Sallallahu Alaihi Wasallam Ke Liye Paseena Hi Tha Magar Eshaaq Ke Liye Behtirin Khushboo . Badaam Ka Rogan Nikalne Ke Baad Jo Badaam Ka Fuzla Bachta Hai Wo Badaam Ka To Fuzla Hi Hai Magar Banolaa Kahe Ke Mera Fuzla Jaisa Hai To Koi Aqalmand Isko Tasleem Nahi Karay Ga . Aan’hazrat Sallallahu Alaihi Wasallam Beshak Insaan The Lekin Aap Sallallahu Alaihi Wasallam Ko Jin Khasaayis Se Allah Taa’la Ne Nawaza Tha In Khasaayis Ka Inkaar Kyun Kiya Jaye ? Yaqoot Bhi 1 Pathar Hai , Or Hajr E Aswad Bhi 1 Pathar Hai , Magar Yaqoot Uska Muqabila Kaha Karsakta Hai ?

Hajr E Aswad Jannat Se Aaya Huwa Hai . Hazraat Anbiyaa’h Alahim Mus-Salaam Ke Ajsaam Mutahira Me Allah Taa’la Ne Jannat Ke Khuwaas Rakhdiye Hai , Isiliye In Ajsaam E Mutahira Ko Mitti Par Haraam Kardiya Gaya Hai . Isi Tarah Dusre Fuzlaat Bhi Agar Khusoosi Taharat Rakhte Ho To Is Me Kya Ishkaal Hai ?

Mandarja Zael Ulama E Kiraam Bhi Huzoor Sallallahu Alaihi Wasallam Ke Fuzlaat Ko Paak Kehte Hai :

[ Haafiz Ibne Hijr Asqalaani Rahmahullah Az Fatah Ul Baari Jild 1 Page 272 ] ,

[ Allama Badruddin Aaini Rahmahullah Az Umdatul Qari Jild 1 Page 35 ] ,

[ Imam Nawawi Shafayi Rahmahullah Az Shara’h Mazhab Jild 1 Page 234 ] ,

[ Mulla Ali Qari Hanfi Rahmahullah Az Jama Ul Wasail Shurohu Shumail Jild 2 Page 2 ] ,

[ Hafiz Siyuti Shafayi Rahmahullah Az Khasaisul Kubra Az Jild 1 Page 71 ] ,

[ Allama Shami Rahmahullah Az Fatawa’h Shami Jild 1 Page 318 ] ,

[ Sahib E Nihayatul Mohtaaj Rahmahullah Az Jild 1 Page 242 Fiqa’h Shafayi Ki Mashhoor Kitab ] ,

[ Mufti Ul Mohtaaj Az Jild 1 Page 79 Fiqa’h Shafayi Ki Mashhoor Kitaab ] ,

[ Sheikh Abdul Haq Muhaddis Dehalwi Rahmahullah Az Midarijul Nubuwwat Jild 1 Page 43 ]

Ulama E Deoband Bhi Isi Ke Qayi Hai :

[Hazrat Maulana Ashraf Ali Thanvi Rahmahullah Az Nashrut Teeb Page 135 ] ,

[ Mufti Aziz Ur Rahman Sahab Rahmahullah Az Fatawa’h Darul Uloom Deoband Jild 1 Page 85+211 ] ,

[ Shiakh Ul Hadees Maulana Zakariya Rahmahullah Az Fazail E Aamaal Page 188 ] ,

[ Hazrat Maulana Muhammad Yousuf Binori Rahmahullah Az Ma’ariful Sunan Jild 1 Page 98 ] ,

[ Hazrat Maulana Muhammad Yousuf Ludhyanvi Rahmahullah Az Aapke Masail Or Inka Hal Jild 9 Page 133 ] ,

[ Hazrat Maulana Mufti Kifayatullah Dehalwi Rahmahullah Jild 1 Page 19 ]

Waheed Sahab Meri Yeh Saari Baate Tape Karke Legaye . 2 Din Baad Aaye Or Kehnay Lage Ke Jis Tarah Matlooba’h Ahadees Wo Loog Pesh Nahi Karsake Isi Tarah Haqiqatul Fiqa’h Wale Ne Jo Galat Hawala Jaat Hidaya’h Ke Diye Hai Wo Bhi Arbi Hidaya’h Se Nahi Dikhasake Or Salatur Rasool Ke Galat Hawale Bhi Siha-E- Sitta Se Nahi Dikhasake , Na Salatur Rasool Ki Fazail To Kiya Aehkaam Me Zaeef Ahadees Pesh Karne Ka Koi Jawab Inke Pass Hai Or Mujhe Yaqeen Hogaya Hai Ke Is Firqa’h [Ghairmuqallideen] Ka Koi Ausool Nahi . Iski Buniyaad Sirf Or Sirf Ahle Sunnat Wal Jama’at Ki Zid Par Hai . Aap Ne Jo Masail Inke Bataye Wo Zid Ka Wazeh Saboot Hi Hai . Mai Apni Galtiyo Ka Aaiteraaf Karta Ho Ke Aise Logo Ko Chorkar Jinke Surat Or Seerat Se Huzoor Paak Sallallahu Alaihi Wasallam Ki Sunnate Numayi Thi , Jo Khauf E Khuda Ki Daulat Se Mala Maal The , Jo Halaal O Haraam Ka Imtiyaaz Karte The , Jinka Raat Din Is Fikar Me Guzarti Thi Ke Nabi E Paak Sallallahu Alaihi Wasallam Ke Tariqe Kis Tarah Duniya Me Jari Hojaye . Mai Unki Muqalifat Karne Aur Unke Khilaaf Badgumaani Phailaane Or Musalmaano Ko Akaabir Ahle Islaam Se Mutanaffir Karne Ke Alawa Koi Kaam Nahi Kiya Hai . Ab Mai Tah E Dil Se Tauba Karta Ho Ke Alhamdulillah Maslak E Huqqa Ahle Sunnat Wal Jama’at Hanfi Per Hi Qayim Rahoga Or Iske Khilaaf Waswase Phailaane Walo Se Khud Bhi Khabardaar Rahoga Or Dusro Ko Bhi Khabardaar Karoga . Allah Taa’la Mujhay Haq Par Isteqaamat Naseeb Farmaye Or Deen Me Waswase Dalne Walo Ke Shar Se Mehfooz Farmaye.

آمین یاالہ العالمین‎.‎

Advertisements

One thought on “Fazail E Aamal Ke Aiteraazaat Ke Jawabaat By Hazrat Maulana Ameen Safder Okardwi Rh.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s