Fazail e Amaal par Waswasa Part 6 (Shaik Abu Yazeed Qurtubi Rh. ka Waqiye) ka Jawaab.

Aiteraaz : Tausif Ur Rehman Sahaab Ne Shaik Abu Yazeed Qurtubi Rh. Ke Waqiye Par Aiteraaz Kiya Aur Ilzaam Lagaya Ke Ulama E Deoband Ka Aqeeda Hai Ke Auliya Allah Ko Ilm E Ghaib Hai. (Nauzbillahi Min Zaalik)

Al – Jawaab : Sabse Pehle Shaik Abu Yazeed Qurtubi Rh. Pura Waqiya Mulaaheza Farmaaye

Shaik Abu Yazeed Qurtubi Rh. Farmaate Hai –Maine Yeh Suna Ke Jo Shaks 70,000 Martaba Laailaaha Illahaahu Padhe Usko Dozaq Ki Aag Se Najaat Milegi.

Maine Yeh Sunkar Ek Nisaab Yaani 70,000 Ki Ta’adaad Apni Biwi Ke Liye Padha Aur Kai Nisaab Khud Apne Liye Padhkar Zaakhira E Akhirat Banaaya.Hamaare Paas Naujawaan Rehta Tha.

Jiske Mutalliq Yeh Mashoor Tha Ke Yeh SAHAAB E KASHF Hai.Jannatdozaq Ka Bhi Usko Kashf Hota Hai Mujhe Iski Sehat Me Tard-Dud Tha.Ek Martaba Wo Naujawaan Hamaare Saat Khaane Me Shareek Tha Ke Dafa’atan Usne Ek Cheekh Maari Aur Saans Pholna Laga Aur Kaha Ke “Meri Maa Dozaq Me Jalrahi Hai Uski Halaat Mujhe Nazar Aayi”

Shaik Qurtubi Rh. Kehte Hai Ke Mai Uski Ghabraahat Dekh Raha Tha.Mujhe Khiyaal Aaya Ke Ek Nisaab Uski Maa Ko Bakhash Du Jisse Uski Sach-Chaayi Ka Bhi Mujhe Tajruba Hojayega.Chunaanche Maine Ek Nisaab 70,000 Ka Un Nisaabo Me Se Jo Apne Liye Padhe The Uski Maa Ko Bakhash Diya , Maine Apne Dil Me Chupke Hi Se Bakhsha Tha

Aur Mere Is Padhne Ki Khabar Allah Ke Siwaa Kisi Ko Na Thi Magar Wo Naujawaan Fauran Kehne Laga Ke Chacha Meri Maa Dozaq Ke Azab Se Hataa Di Gayi.

Qurtubi Rh. Kehte Hai Ke Mujhe Is Qisse Se 2 Faide Huwe Ek Toh Us Barkat Ka Jo 70,000 Ki Miqdaar Par Maine Suni Thi Uska Tajruma Huwa Dusra Us Naujawaan Ki Sach-chaai Ka Yaqeen Huwa.

(Fazail E Amaal : Fazail E Zikr : Safa 387 )

Scan Page :

Aiteraaz

Wazaahat : Is Naujawaan Ladke Ka Waqia Kashf Ke Mutalliq Hai Jaisa Ke Khud Shaikh Ul Hadees Rh. Ne Wazaahat Ki Hai Ke Ke “ Yeh SAHAAB E KASHF Hai”.

Continue reading

Ek Ghalat Fehmi ka Izaala.

Kuch Shar Pasand Hazraat ne Darj e Zail Hadees ko Ghalat Tarjumaani ki hai Jo ke Poster me Maujood hai.

10304627_738267142876705_5157531009012311556_n

Aur  Saheeh Tarjuma Hum yaha Naql Kar Rahe Hai.

Hazrat Ayesha Rdh. Un Aurto Ko Ta’ana Zani Karti Thi Jo Khud Apne Aap Ko (Nikaah ke Liye) Nabi Saw Ke Saamne Pesh Kardeti Thi aur Unki Raaye Yeh Thi ke Kisi Aurat ko Sharm Nahi Aati ke wo Apne Aap ko Beghair Mehar ke Pesh Karti hai.

Continue reading

Hazrat Abdullah Bin Zubair Rdh. ki Sajdo me Rafe-yadain Karne Waali Riwayat ka Tehqiqi Jayeza.

Sayyidina Abdullah Bin Zubair Rdh. Bhi Sajdo Me Rafe-Yadain Karte The.

Imam Maimoon Makki Rh. Farmaate Hai Ke Maine Hazrat Abdullah Bin Zubair Rdh. Ko Dekha Ke Inhone Namaz Padhayi Aur Rafe-Yadain Kiya Jab Namaz Ke Liye Khade Huwe, Ruku Kiya Aur Jab Sajda Kiya ( Toh Rafe-Yadain Kiya) Toh Hazrat Ibn Abbas Rdh. Ne Farmaaya Ke Agar Tu Rasoolullah Saw Ki Namaz Dekhna Chahta Hai Toh Abdullah Bin Zubair Rdh. Ki Namaz Ki Pairwi Kar.

(Is Riwayat Ki Sanad Hasan Hai)

  1. Sunan E Abu Dawud : Jild 1 : Safa 115
  2. Musnad E Ahmed : Jild 1 : Safa 377 , Hadees No 6231
  3. At Tehqeeq Li Ibn Jauzi : Jild 1 : Safa 334 , 335
  4. Jamia Usool Li Ibn Kaseer : Safa 214
  5. Tanqeeh Ul Tehqeeq Li Ibn Abdul Haadi : Jild 1: Safa 331
  6. Nasb Ur Riyaa Li Imam Zail’ee : Jild 2 : Safa 297
  7. Al Binaaya Lil Imam Aaini : Jild 2 : Safa 335
  8. Sharah Sunan Abu Dawud : Jild 3 : Safa 335
  9. Nail Ul Autaar : Jild 1 : Safa 385
  10. Isbaat E Rafe-Yadain Li Khalid Girjaaghi.

Continue reading

Tasbeeh (Praying Beads) ka Istemaal Jayez hai Part 2 (Salaf se bhi Tasbeeh ka Istemaal Saabit hai)

Jab Kisi Zaeef Hadees par Ummat ka Amal ho toh wo Saheeh Hojaati hai.

ulamaehaqulamaedeoband.wordpress.com/2014/07/11/jab-zaeef-hadees-par-ummat-ka-amal-ho-toh-wo-hadees-saheeh-hojaati-hai/

Tasbeeh ke Jayez Hone par Qaabil e Istedlaal Riwayaat Maujood hai, Jo ke Daleel me Pesh Karne ke Liye Kaafi hai Lekin In Ahadees ko Mazeed Quwat Is baat se Bhi Pahunchti hai ke Ummat ke Salaf-o-Saleheen bhi Kasrat se Zikr Karne ki Wajeh se Tasbeeh ka Istemaal Karte the Jo ke Darj e Zail hai :

1 –

وَفِي جُزْءِ هِلَالٍ الْحَفَّارِ، وَمُعْجَمِ الصَّحَابَةِ لِلْبَغَوِيِّ، وَتَارِيخِ ابن عساكر مِنْ طَرِيقِ مُعْتَمِرِ بْنِ سُلَيْمَانَ عَنْ أُبَيِّ بْنِ كَعْبٍ عَنْ جَدِّهِ بقية، عَنْ أبي صفية مولى النبي صَلَّى اللَّهُ عَلَيْهِ وَسَلَّمَ أَنَّهُ كَانَ

يُوضَعُ لَهُ نِطَعٌ، وَيُجَاءُ بِزِنْبِيلٍ فِيهِ حَصًى فَيُسَبِّحُ بِهِ إِلَى نِصْفِ النَّهَارِ، ثُمَّ يُرْفَعُ فَإِذَا صَلَّى الْأُولَى أَتَى بِهِ، فَيُسَبِّحُ بِهِ حَتَّى يُمْسِيَ.

Abu Safiya Rdh. Se Marwi hai ke Unke Liye Ek Chapde ki Khaal Bichaayi Jaati thi aur Ek Zambeel (Thaili) Laayi Jaati thi Jisme Kankariya (Hoti) thi Toh Wo Uspar Aadhe Din tak Tasbeeh Padhte the Phir Utaali Jaati, Phir Zohar ki Namaz Padhlete (Phir wo) Laayi  Jaati aur Uspar Shaam tak Tasbeeh Padhte the.

(Taarekh Ibn Asaakir : Jild 4  : Safa 293)

Continue reading

Quraan Wa Saheeh Ahadees Ki Rooshni Me Namaz Ka Masnoon Tariqa.

Namaz Aisi Padho Jaisi Mujhe Padhte Dekha Hai. (Saheeh Bukhari)

Quraan Wa Saheeh Ahadees Ki Rooshni Me Namaz Ka Masnoon Tariqa

Yeh Na Qaabil E Inkaar Haqiqat Hai Ke Sadiyo Se Saari Dunya Ke Haq Parast Ahle Sunnat Wal Jamaat Musalmaan 4 Imamo (Imam Abu Hanifa Rh. , Imam Malik Rh. , Imam Shafa’i Rh. , Imam Ahmed Rh.) Me Se Ek Taqleed Wa Pairwi Karte Chale Aarahe Hai.

Is Taqleed Ka Maqsad Sirf Yeh Hai Ke Hum Quraan Wa Hadees Par Saheeh Amal Kare Kyunke Yeh Chaaro Imam Kitab Wa Sunnat Ke Maahir Aur Ilm Wa Taqwa Me Hum Se Aage The.

Quran Wa Hadees Ke Maahir,Laakho Fuqaaha Wa Muhaddiseen Bhi In Imaamo Ki Taqleed Karte The, Koi Ek Dusre Ko Gumrah Ya Jahannumi Nahi Kehta Tha.In Muqallideen Hazrat Ke Darmiyaan Kabhi Maslak Ki Bunyaad Par Ladaayi Aur Bad-Zubaani Nahi Huwi, Inhone Ek Dusre Ke Maslak Ke Khilaaf Kabhi Koi Kitaab Ya Choti Ka Kaghaz Bhi Nahi Likha, Na Ek Dusre Koi Zaeef Hadeeso Ka Ta’ana Diya,Na Dusre Maslak Waalo Ko Apne Maslak Me Daaqil Karne Ki Koi Koshish Ki,Chaaro Imamo Ki Muqallideen Hamesha Ki Tarah Aaj Bhi Ek Ummat Banker Jee Rahe Hai, Lekin Aaj Kal Kuch Lo Aise Nazar Aarahe Hai Jo Apne Aapko Ahlehadees Ya Jamaatul Muslimeen Kehte Hai.

Continue reading

A Suggestion to Those Who say “Pehle Khud Amal Karo Phir Dusro Ko Dawat Do”.

Aaj Kal Deen Se Nawaaqif Logo Me Yeh Baat Kasrat Se Paayi Jaarahi Hai Ke Jab Unke Saamne Koi Deeni Wa Targheebi Baat Ki Jaati Hai Toh Fauran Kehte Hai Ke Islam Me Pehle Khud Amal Karna Hai Aur Phir Dusra Bataana Hai.

Ya Is Tarah Bhi Kehte Hai Ke “Pehle Khud Amal Karo Phir Dusro Ko Dawa’t Do”.

Algarz Kam Ilmi Ki Wajeh Log Is Tarah Ki Nadaani Ki Baat Karte Hai Lekin Daraasal Baat Yeh Hai Ke Agar Insaan Koshish Kar Raha Hai Deen Par Amal Karne Ki, Lekin Phir Bhi Usse Kotaahiya Horahi Hai.

Toh Aisi Surat Me Wo Shaks Deen Ki Dawat Desakta Hai Balke Huzur SAW Ne Aise Shaks Bhalaayi Ka Hukum Aur Buraayi Se Bachne Ki Talqeen Wa Nasihat Ki Hai.

Continue reading

Fuqaaha wa Muhaddiseen ka Maslak 20 Rakaat Taraveh hai Part 1 (Ulama e Ahnaaf ki Ibaaraato ka Jawaab)

Fuqaaha wa Muhaddiseen ka Maslak 20 Rakaat Taraveh hai Part 1 (Ulama e Ahnaaf ki Ibaaraato ka Jawaab)

Is Mazmoon me Darj e Zail Fuqaaha e Ahnaaf ki Ibaarato par Ghair Muqallideen ki Taraf se Ishkalaat ke Jawaabaat Maujood hai :

1 – Imam e Azam Abu hanifa Rh.

2 – Imam Muhammed Bin Hasan Ash-shaybaani Rh.

3 – Imam Ibn Himaam Rh.

4 – Imam Ibn Nujaim Al Misri Rh.

5 – Imam Tahtawi Rh.

6 – Imam Al Muhaddis Mulla Ali Qari Rh.

7 – Shaykh ul Muhaddis Abdul Haq Dehelwi Rh.

8 – Maulan Abdul Hai Lakhnawi Rh.

9 – Allama Anwar Shah Kashmiri Rh.

10 – Maulana Khaleel Ahmed Saharanpuri Rh.

11 – Maulana Ashwaq ur Rehman Kandhelwi Rh.

12 – Maulana Abdus Shakoor Lakhnawi Rh.

Aaj Kal Ke Baaz Ghair Muqallideen ulama e ahnaf aur degar muhaddiseen wa ulama ke ibaarat pesh karke yeh saabit karna chahte ke wo log Bhi 8 Rakaat Taraveh Ke Qaayil The.

Tarteeb Waar unke ibaarat ki haqiqat Mulaaheza Farmaaye :

Continue reading

Abdul Hameed Bin Jafer ki Tauseeq ka Jawaab.

Bismillahir Rahmanir Raheem

Abdul Hameed Bin Jafer ki Tauseeq ka Jawaab.

Hazrat Abu Umaid as Saadi Rdh. ki Riwayat Jisme Rafe-yadain ka Zikr aur Us Riwayat me Ek Raavi Jiska Abdul Hameed Bin Jafer hai wo Zaeef hai aur Uski Tafseel Humne Pehle Bayaan ki hai.

http://ulamaehaqulamaedeoband.wordpress.com/2013/10/30/hum-rafe-yadain-kyun-nahi-karte-part-4-abu-umaid-as-saadi-rdh-ki-hadees-ka-jawaab/

Zubair Ali Zai Sahab ne Apni Kitaab Nurul Aainain : Safa 108,  2006 Edition me Abdul Hameed ko Siqah saabit karne ke liye Kuch A’imma-e-Ikraam ke naam naqal kiye hai jo ke Darj e Zail hai :

1 . Imam Ibne Khuzaymah Rh.

2. Imam Ibne Hibban Rh.

Zubair sahab ne likha hai ke Ibne Khuzaymah Rh.ne is Raavi se apni Sahih me Ihtijaaj kiya hai aur Ibne Hibban Rh.ne Gooya Siqa kaha hai.

Al – Jawaab:

Zubair sahab ka in 2 A’immah ka hawalah peish karna koi mufeed nahi aur inka Kisi Raavi se Ihtijaaj karna Ya Isko Sahih kehne se wo Raavi Sahih nahi ho jata.

Continue reading

Hum Rafe-yadain Kyun nahi karte Part 16 (Rafe-yadain par Sahaba ka Ijma aur Ulama e Ummat ke Aqwal ka Jawaab)

Is Mazmoon me Darj e Zail Abwaab wa Aqwal ka Jawaab Maujood hai  :

1 – Ghair Muqallid Abdur Rasheed Ansaari ki Kitaab Isbaat e Rafe-yadain ka Baab “Rafe-yadain par Sahaba Rdh. Ka Ijma” ka Mukammal Jawaab.

2 – Ghair Muqallid Khalid Girjaaghi ki Kitaab Isbaat e Rafe-yadain ka Baab “Rafe-yadain par Sahaba Rdh. Ka Ijma” ka Mukammal Jawaab.

3 – Ghair Muqallid Zubair Ali Zai ki Kitaab Nurul Aainain ka Baab “Rafe-yadain par Sahaba Rdh. Ka Ijma” ka Mukammal Jawaab.

4 – Hazrat Umar Bin Abdul Aziz Rh. ka Rafe-yadain ke Waqiye ka Jawaab.

Ulama e Ummat ke Aqwal

5 – Imam Ali Bin Madeeni Rh. ka Asar ka Jawaab.

6 – Imam Ahmed Bin Hanbal Rh. ka Asar ka Jawaab.

7 – Shaik Abdul Qaadar Jilaani Rh. Ki Ibaarat ka Jawaab.

8 – Imam ul Hind Shah Wali Ullah Muhaddis Dehelwi Rh. ki Ibaarat ka Jawaab.

Continue reading

Kya Tasbeeh ka Istemaal Bid’at hai ? (Ghair Muqallideen ki Pesh Karda Riwayat ka Jawaab)

Ahle Sunnat Wal Jamaat Ka Yeh Nazariya Hai Ke Tasbeeh Ka Istemaal Jayez Hai Lekin Ghair Muqallideen Naam Nihaad Ahle Hadees Firqa Ka Kaam Ummat Me Ikhtelaaf Paida Karna, Lehaaza Unka Kehna Hai Ke Tasbeeh Ka Istemaal Jayez Nahi Hai.

Balke Baaz Juhaala Ka Kehna Hai Ke Tasbeeh Ka Istemaal Bid’at Hai Aur Un Hazraat Ka Ki Daleel Yeh Hai :

Jiska Khulaasa Yeh Hai Ke Hazrat Ibn Masood Rdh. Ne Ek Jamaat Ko Dekha Jo Fajar Se Pehle Halqo Me Baithe, Namaz Ke Intezaar Me Aur Unke Haat Me Kankariya Hai Aur Wo Allah Ka Zikr Kar Rahe Hai.

Aur Hazrat Ibn Masood Rdh. Ne Unke Is Tariqe Ko Gooya Biddat Qaraar Diya Hai. (Sunan E Darmi : Hadees No 210, Darul Mughni KSA Edition)

Al – Jawaab :

Is Hadees Ki Sanad Is Tarah Hai :

أَخْبَرَنَا الْحَكَمُ بْنُ الْمُبَارَكِ، أَنبَأَنَا عَمْرُو بْنُ يَحْيَى، قَالَ: سَمِعْتُ أَبِي، يُحَدِّثُ، عَنْ أَبِيهِ قَالَ: كُنَّا نَجْلِسُ عَلَى بَابِ عَبْدِ اللَّهِ بْنِ مَسْعُودٍ رَضِيَ اللَّهُ عَنْهُ

(Sunan E Darmi : Safa 286, Hadees No 210)

Scan Page :

سنن الدارمي_Page286

Tawajjo Farmaaye ! Al Hakam Ibn Ul Mubarak Se Riwayat Karne Waale Amr Bin Yahiya Rh. Hai.

Unko Aimma Ne Zaeef Balke Ibn Abi Yahiya Rh. Ne Unhe Kazzaab Bhi Qaraar Diya Hai.

Continue reading